ബെംഗളൂരു: ഗാന്ധിജിയുടെ ആശയങ്ങളിലും ആദർശങ്ങളിലും കാലഘട്ടങ്ങൾക്കനുസരിച്ച് ഉണ്ടായ മാറ്റങ്ങളും വൈരുധ്യങ്ങളുമാണ് അദ്ദേഹത്തിന്റെ ആത്മകഥയായ സത്യാന്വേഷണ പരീക്ഷണങ്ങൾ എന്ന കൃതിയുടെ ആശയതലമെന്ന് കവിയും, കോളേജ് അധ്യാപകനും, ഗവേഷകനുമായ ടി. പി. വിനോദ് അഭിപ്രായപ്പെട്ടു. തിപ്പസാന്ദ്ര ഫ്രണ്ട്സ് അസോസിയേഷൻ സംഘടിപ്പിച്ച ‘ഗാന്ധിജിയും നവഭാരതവും എന്ന വിഷയത്തിൽ മുഖ്യപ്രഭാഷണം നടത്തി സംസാരിക്കുകയായിരുന്നു അദ്ദേഹം. ഇന്നത്തെ സാമൂഹിക സാഹചര്യത്തിൽ ഗാന്ധിയൻ ചിന്തകൾക്കുള്ള പ്രസക്തിയും അവ ജീവിതത്തിൽ പകർത്തേണ്ടതിന്റെ പ്രാധാന്യവും അദേഹം വ്യക്തമാക്കി.
സാംസ്കാരിക പ്രവർത്തകൻ ടി.വി. പ്രതീഷ് ചർച്ച ഉദ്ഘാടനം ചെയ്തു. പി. മോഹൻദാസ് അധ്യക്ഷത വഹിച്ചു. തുടർന്ന് നടന്ന ചർച്ചയിൽ കെ.ചന്ദ്രശേഖരൻ നായർ, ശാന്തകുമാർ എലപ്പുള്ളി , ആർ. വി. പിള്ള, എം. ബി മോഹൻദാസ് , പ്രഭാകരൻ പിള്ള, ജോഷി പത്രോസ്, ഇ. ആർ. പ്രഹ്ലാദൻ, പൊന്നമ്മദാസ് , ഷീജ റെനീഷ്, തങ്കമ്മ സുകുമാരൻ, കല്പന പ്രദീപ്, സംസാരിച്ചു. പ്രദീപ്. പി പി നന്ദി പറഞ്ഞു.
SUMMARY: Thippasandra Friends Association Monthly Seminar
