കൊച്ചി: പ്ലൈവുഡ് കമ്പനിയിലെ യന്ത്രത്തില് കുടുങ്ങി ബംഗാള് സ്വദേശിയായ നാലുവയസ്സുകാരന് മരിച്ചു. നൂര് ജമാല് ഷെയ്ഖ് – നൂറിമ ഖാത്തൂന് ദമ്പതികളുടെ മകന് മെറാജ് ഷെയ്ഖ് ആണ് മരിച്ചത്. മൂടിക്കല് വെട്ടിക്കാട്ടുകുന്നിലെ ആമസേണ് പ്ലൈവുഡ് കമ്പനിയില് ഇന്നലെ രാത്രിയോടെയാണ് സംഭവം. മാതാപിതാക്കള്ക്കൊപ്പം കമ്പനിയിലെത്തിയ കുട്ടി വിനീര് ഉണക്കുന്ന ഡ്രയറിന്റെ കണ്വെയല് ബെല്റ്റിനടുത്തുനിന്നും കളിക്കുകയായിരുന്നു.
ഇതിനിടെ കൈ ആദ്യം അബദ്ധത്തില് യന്ത്രത്തില് കുടുങ്ങുകയായിരുന്നു. പിന്നാലെ ശരീരവും തെറിച്ച് യന്ത്രത്തിലേക്ക് വീണു. തല ഉടലില് നിന്നും വേര്പെട്ട നിലയിലായിരുന്നു. മൃതദേഹം താലുക്ക് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
SUMMARY: Four-year-old boy dies after getting trapped in a machine at a plywood company
















