യു എസ് ഓപൺ ടെന്നിസ് വനിത സിംഗിൾസിൽ കിരീടം ചൂടി ബെലറൂസ് താരം ആര്യന സബലെങ്ക. ഫൈനലിൽ അമേരിക്കൻ താരം ജെസീക്ക പെഗുലയെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് ആര്യന കിരീടം സ്വന്തമാക്കിയത്. ത്രില്ലർ പോരിൽ 7-5,7-5 എന്ന സ്കോറിനാണ് പെഗുലയെ സബലെങ്ക തോൽപ്പിച്ചത്.
കഴിഞ്ഞ വർഷത്തെ യു.എസ് ഓപ്പണിലെ നിരാശ കൂടി മായ്ക്കുന്നതായി സബലെങ്കയുടെ വിജയം. യു.എസ് ഓപൺ നേട്ടത്തോടെ മൂന്നാം ഗ്ലാൻഡ്സ്ലാം കിരീടമാണ് സബലെങ്ക നേടുന്നത്. ഈ വർഷത്തെ ഓസ്ട്രേലിയൺ ഓപ്പൺ കിരീടവും അവർ നേടിയിരുന്നു. പലതവണ താൻ യു എസ് ഓപൺ കിരീടത്തിന് അരികിൽ എത്തിയിട്ടുണ്ടെന്നും എന്നാൽ ഒടുവിൽ തനിക്ക് ആ നേട്ടം സ്വന്തമാക്കാൻ കഴിഞ്ഞിരിക്കുന്നുവെന്നും ആര്യന പ്രതികരിച്ചു. സ്വപ്നങ്ങൾ നേടിയെടുക്കാൻ കഠിനമായി ശ്രമിക്കണം. ഒരിക്കലും കീഴടങ്ങരുത്. ഇപ്പോൾ സ്വന്തം നേട്ടത്തിൽ തനിക്ക് അഭിമാനമുണ്ടെന്നും ആര്യന വ്യക്തമാക്കി. 2021ലും 2022ലും യു എസ് ഓപണിൽ സെമിയിൽ പരാജയപ്പെട്ട താരമാണ് ആര്യന സബലെങ്ക.
<br.
TAGS : ARYNA SABALENKA | US OPEN TENNIS
SUMMARY : US Open Tennis. Aryana Sabalenka wins women’s singles title
