ബെംഗളൂരു : കെഎന്‍എസ്എസ് പീനിയ കരയോഗത്തിന്റെ പത്താം വാര്‍ഷികവും പീനിയോത്സവവും നെലഗദര ഹള്ളിയിലുള്ള സിദ്ധു ഗാര്‍ഡനില്‍ നടന്നു. പ്രസിഡന്റ് രമേശ് കുമാറിന്റെ അദ്ധ്യക്ഷതയില്‍ നടന്ന യോഗത്തില്‍ കെഎന്‍ എസ് എസ് ചെയര്‍മാന്‍ ആര്‍ . മനോഹര കുറുപ്പ് ജനറല്‍ സെക്രട്ടറി ടി. വി നാരായണന്‍ , മുന്‍ ചെയര്‍മാന്‍ രാമചന്ദ്രന്‍ പലേരി എന്നിവര്‍ സംസാരിച്ചു. ബോര്‍ഡിന്റെ പുതിയ ഭാരവാഹികളെയും കേരള സമാജം ജനറല്‍ സെക്രട്ടറി റെജികുമാറിനെയും ദീപ്തി വെല്‍ഫയര്‍ അസ്സോസിയേഷന്‍ പ്രസിഡന്റ് സന്തോഷ് കുമാറിനെയും ചടങ്ങില്‍ ആദരിച്ചു.
ആലപ്പി ഗോപകുമാറിന്റെ സംവിധാനത്തില്‍ നാടന്‍ പാട്ടും കോമഡി ഷോയും നൃത്തനൃത്യങ്ങളും നടന്നു. കോഴിക്കോട് സങ്കീര്‍ത്തനയുടെ വെളിച്ചം എന്ന നാടകവും, അംഗങ്ങളുടെ കലാപരിപാടികളും , ഓണസദ്യയും ഉണ്ടായിരുന്നു. കഴിഞ്ഞ അധ്യയന വര്‍ഷത്തില്‍ ഉന്നത വിജയം നേടിയ കുട്ടികള്‍ക്ക് ക്യാഷ് അവാര്‍ഡുകളും ചടങ്ങില്‍ വിതരണം ചെയ്തു.
<br>
TAGS : KNSS
WhatsApp
Telegram
