ബെംഗളൂരു: ബസ് യാത്ര നിരക്കിന് പിന്നാലെ ബെംഗളൂരുവിൽ ജലനിരക്കും വർധിച്ചേക്കും. വിഷയം ചർച്ച ചെയ്യാൻ അടുത്താഴ്ച ബിഡബ്ല്യൂഎസ്എസ്ബി യോഗം ചേരുമെന്ന് ഉപമുഖ്യമന്ത്രി ഡി. കെ. ശിവകുമാർ പറഞ്ഞു. സാമ്പത്തിക ബുദ്ധിമുട്ടുകൾ ചൂണ്ടിക്കാട്ടി ജലനിരക്ക് പരിഷ്കരിക്കാനുള്ള നിർദേശം ബിഡബ്ല്യൂഎസ്എസ്ബി സർക്കാരിന് സമർപ്പിച്ചിരുന്നു. നിരക്ക് വർധന പരിശോധിക്കാൻ എല്ലാ എംഎൽഎമാർക്കും ബോർഡ്‌ കത്തുകൾ അയച്ചിട്ടുണ്ട്.
ഉപമുഖ്യമന്ത്രിയുടെ അധ്യക്ഷതയിൽ ബന്ധപ്പെട്ട പ്രതിനിധികളും ഉദ്യോഗസ്ഥരും പങ്കെടുക്കുന്ന യോഗത്തിൽ നിരക്ക് വർധനയെ കുറിച്ച് അന്തിമ തീരുമാനം എടുക്കുമെന്ന് ശിവകുമാർ പറഞ്ഞു. ജനുവരി അവസാനത്തോടെ നിരക്ക് വർധന സംബന്ധിച്ച് അന്തിമ തീരുമാനം എടുത്തേക്കും. കഴിഞ്ഞ ഒരു ദശാബ്ദത്തിലേറെയായി വിവിധ കാരണങ്ങളാൽ ജലനിരക്ക് പരിഷ്കരിച്ചിട്ടില്ല. 2014ലാണ് അവസാനമായി നിരക്ക് വർധന പ്രാബല്യത്തിൽ വന്നത്. എന്നാൽ നിലവിൽ ഈ തുക എല്ലാ ചെലവുകൾക്കും അപര്യാപ്തമാണെന്ന് ബിഡബ്ല്യൂഎസ്എസ്ബി ചെയർമാൻ ഡോ. രാം പ്രസാദ് മനോഹർ പറഞ്ഞു.
TAGS: BENGALURU | PRICE HIKE
SUMMARY: Water charge in bengaluru to hike
