ബെംഗളൂരു: കര്‍ക്കടകവാവ് ബലിതര്‍പ്പണത്തിനുള്ള സൗകര്യം ഒരുക്കി കര്‍ണാടകയിലെ വിവിധ മലയാളി സംഘടനകള്‍. ജൂലായ് 24 നാണ്ബലിതര്‍പ്പണ ചടങ്ങുകള്‍ നടക്കുന്നത്.
ശ്രീ നാരായണസമിതി: കര്‍ക്കിടക വാവുബലിക്കുള്ള ഒരുക്കങ്ങള്‍ ശ്രീനാരായണ സമിതിയില്‍ പുരോഗമിക്കുന്നു. ജൂലൈ 24 ന് രാവിലെ 2.30 നു മഹാഗണപതി ഹോമത്തോടെ ചടങ്ങുകള്‍ ആരംഭിക്കും. തുടര്‍ന്ന് കല്യാണീ തീര്‍ത്ഥത്തില്‍ ഗംഗാപൂജ നടക്കും. തുടര്‍ന്നാരംഭിക്കുന്ന പിതൃതര്‍പ്പണ ചടങ്ങുകള്‍ രാവിലെ 10 മണി വരെ തുടരും. പിത്യനമസ്‌കാരം, കൂട്ടനമസ്‌കാരം. തിലഹവനം, ശാന്തിഹവനം എന്നീ വഴിപാടുകള്‍ക്കുള്ള സൗകര്യങ്ങള്‍ ഉണ്ടായിരിക്കും. സമിതി പൂജാരിമാര്‍ ചടങ്ങുകള്‍ക്ക് കാര്‍മ്മികത്വം വഹിക്കും. ബലിയിടാന്‍ ആഗ്രഹിക്കുന്നവര്‍ സമിതിയില്‍ മുന്‍കൂട്ടി ബുക്ക് ചെയ്യേണ്ടതാണ്. കൂടുതല്‍ വിവരങ്ങള്‍ക്ക് 080-25510277, 25548133, 9916480089, 7829510474, 9902733246 എന്നീ നമ്പറുകളില്‍ ബന്ധപ്പെടാവുന്നതാണ്.
കെഎന്‍എസ്എസ്: കര്‍ണാടക നായര്‍ സര്‍വീസ് സൊസൈറ്റിയുടെ ആഭിമുഖ്യത്തില്‍ വാവുബലിയും പിതൃതര്‍പ്പണവും ജൂലായ് 24നു പുലര്‍ച്ചെ 3 മുതല്‍ 10 വരെ ഹലസൂര് തടാകത്തിലെ കല്യാണി തീര്‍ത്ഥകരയില്‍ നടക്കും. ബൊമ്മനഹള്ളി കരയോഗം വാവുബലി പിതൃതര്‍പ്പണം ഹുളിമാവിയിലെ ശാന്തി നികേതന്‍ ലേഔട്ടിലെ ശ്രീ ഭഗവതി അമ്മന്‍ ക്ഷേത്രത്തില്‍ ജൂലായ് 24നു പുലര്‍ച്ചെ 4 മുതല്‍ 10 വരെ നടക്കും. മംഗളൂരു കരയോഗത്തിന്റെ ആഭിമുഖ്യത്തില്‍ മംഗളൂരു സോമേശ്വരം കടല്‍തീരത്ത് പുലര്‍ച്ച 6മണി മുതല്‍ 9മണി വരെ പിതൃതര്‍പ്പണം നടക്കും. ശിവമൊഗ്ഗ കരയോഗം വാവുബലി തര്‍പ്പണം ശിവമോഗ്ഗയിലെ തുങ്ങഭന്ദ്രയില്‍ കൂഡ്ലി സംഗമത്തില്‍ രാവിലെ 6 മുതല്‍ 9വരെ നടക്കും. ബല്ലാരി കരയോഗം കര്‍ക്കിടക വാവുബലി പിതൃതര്‍പ്പണം ഹംപിയിലെ തുംഗഭദ്ര നദി തീരത്ത് പുലര്‍ച്ച 6മണി മുതല്‍ 9 വരെ നടക്കും. പിതൃതര്‍പ്പണത്തിനു ആവശ്യമായ പൂജാസാധനങ്ങളും, പ്രഭാതഭക്ഷണവും സംഘാടകസമിതി ഒരുക്കും. പ്രവേശന കൂപ്പണുകള്‍ കെ എന്‍ എസ് എസിന്റെ എല്ലാ കരയോഗങ്ങളില്‍ നിന്നും ശേഷാദ്രിപുരത്തുള്ള അഡ്മിനിസ്ട്രേറ്റീവ് ഓഫീസില്‍ നിന്നും, വാവുബലി ദിവസം കൗണ്ടറില്‍ നിന്നും ലഭിക്കും: ഫോണ്‍: 9886786515, 9342831542, 9886132612, 9845943158.
ബാംഗ്ലൂര്‍ മുത്തപ്പന്‍ ട്രസ്റ്റ്: കര്‍ക്കടകവാവ് വാവ് ബലിതര്‍പ്പണം പൂജ 24-ന് രാവിലെ അഞ്ചുമുതല്‍ മുത്യാലമ്മ നഗറിലെ ശ്രീകൃഷ്ണക്ഷേത്രത്തിനു മുന്‍വശത്ത് നടക്കും. പൂജയ്ക്ക് മുന്‍കൂട്ടി ബുക്ക് ചെയ്യാം. പൂജാസാധനങ്ങളുള്‍പ്പെടെ 250 രൂപയാണ് ചാര്‍ജ്. പൂജയ്ക്കുശേഷം ലഘുഭക്ഷണം ഉണ്ടാകും. ഫോണ്‍: 8088312532, 70344 57377.
പാലക്കാടന്‍ കൂട്ടായ്മ: കര്‍ക്കടകവാവ് ബലി തര്‍പ്പണം നടത്താന്‍ 24-ന് പുലര്‍ച്ചെ നാലുമുതല്‍ പത്തുവരെ ഹൊരമാവ് അഗരയിലെ തടാകതീരത്ത് അവസരമൊരുക്കും. പാമ്പാടി ഐവര്‍ മഠത്തിലെ രാജേഷ് മുഖ്യകാര്‍മികനാകും. പുലര്‍ച്ചെ 3.30-ന് ഗണപതിഹോമം, തിലഹോമം എന്നിവ നടക്കും. ബലിതര്‍പ്പണത്തിനുശേഷം പ്രഭാതഭക്ഷണവും ഉണ്ടാകും. കൂടുതല്‍ വിവരങ്ങള്‍ക്കും രജിസ്ട്രേഷനും 9742577605, 8861086416.
SUMMARY: Malayali organizations prepare facilities for Karkkadaka Vavu.
WhatsApp
Telegram
