ബെംഗളൂരു: സംസ്ഥാന നാടക മത്സരത്തിൽ 5 അവാർഡുകളടക്കം നിരവധി അവാർഡുകൾ സ്വന്തമാക്കിയ കോഴിക്കോട് സങ്കീർത്തനയുടെ നാടകം ‘പറന്നുയരാനൊരു ചിറക്’ ബെംഗളൂരുവിൽ അരങ്ങേറി. ബെൽമയുടെയും കേരള സമാജം ബാംഗ്ലൂർ നോർത്ത് വെസ്റ്റിൻ്റെയും നേതൃത്വത്തില്‍ ബെൽമ കലാക്ഷേത്രയിലാണ് പ്രദര്‍ശനം സംഘടിപ്പിച്ചത്.
സംവിധാന മികവുകൊണ്ടും അഭിനേതാക്കളുടെ പ്രകടനം കൊണ്ടും നാടകാസ്വാദകരെ തൃപ്തിപ്പെടുത്തുന്ന അവതരണമായിരുന്നു നാടക പ്രവര്‍ത്തകരുടേത്. പ്രശസ്ത സിനിമാ – നാടക നടി കമനീധരൻ, ബെൽമ മുൻ സെക്രട്ടറി രാജഗോപാൽ മുള്ളത്ത്, ബെൽമ ഫൈൻ ആർട്സ് സെക്രട്ടറി സംഘമേഷ്, ബെൽമ സെക്രട്ടറി ഉമേഷ് എന്നിവരെ സമാജം ഭാരവാഹികൾ പൊന്നാട അണിയിച്ച് ആദരിച്ചു. സമാജം പ്രസിഡണ്ട് ആർ.മുരളീധർ, വൈസ് പ്രസിഡണ്ട് മാത്തുക്കുട്ടി ചെറിയാൻ, സെക്രട്ടറി അജിത് കുമാർ നായർ, ട്രഷറർ ബിജു ജേക്കബ്, ജോയിന്റ് സെക്രട്ടറിമാരായ സി പി മുരളി, വിശ്വനാഥൻ പിള്ള, ഫിനാൻസ് കമ്മിറ്റി ചെയർമാൻ എം രാമചന്ദ്രൻ, അശോക് എം, കെ പി. അശോകൻ, കവിരാജ്, സുധാകരൻ, വിജയൻ.വി കെ, എന്നിവർ നേതൃത്വം നൽകി.
SUMMARY: The play was organized under Belma and Kerala Samajam Bangalore Northwest.
