ബെംഗളുരു: ബെംഗളൂരുവിലും സംസ്ഥാനത്തെ വിവിധ ഇടങ്ങളിലുമായി മലയാളി കൂട്ടായ്മകള്‍ ഒരുക്കുന്ന കർക്കടകവാവ് ബലിതർപ്പണത്തിനുള്ള ഒരുക്കങ്ങൾ പൂർത്തിയായി. വ്യാഴാഴ്ച വെളുപ്പിനു ബലിതർപ്പണ ചടങ്ങുകൾ ആരംഭിക്കും. പൂജാവസ്തുക്കളും തർപ്പണത്തിനു ശേഷം പ്രഭാത ഭക്ഷണം, പാർക്കിങ് ഉൾപ്പെടെയുള്ള സൗകര്യങ്ങളും ഒരുക്കിയിണ്ട്.
കർണാടക നായർ സർവീസ് സൊസൈറ്റി: ജൂലായ് 24-ന് പുലർച്ചെ മൂന്നുമുതൽ 10 വരെ ഹലസൂരു തടാകത്തിലെ കല്യാണി തീർഥകരയിൽ കർക്കടകവാവ് ബലിതർപ്പണ നടക്കും. ബൊമ്മനഹള്ളി കരയോഗത്തിന്റെ ആഭിമുഖ്യത്തിൽ വാവുബലി പിതൃതർപ്പണം ഹുളിമാവിയിലെ ശാന്തി നികേതൻ ലേഔട്ടിലെ ശ്രീ ഭഗവതി അമ്മൻ ക്ഷേത്രത്തിൽ 24-ന് പുലർച്ചെ നാലുമുതൽ 10 വരെ നടക്കും. മംഗളൂരു കരയോഗത്തിന്റെ ആഭിമുഖ്യത്തിൽ സോമേശ്വരം കടൽത്തീരത്ത് പുലർച്ചെ ആറുമുതൽ ഒൻപതുവരെ പിതൃതർപ്പണം നടക്കും. ശിവമോഗ കരയോഗത്തിന്റെ ആഭിമുഖ്യത്തിൽ തുംഗഭദ്ര കുഡ്‌ലി സംഗമത്തിൽ രാവിലെ ആറുമുതൽ ഒൻപതുവരെ പിതൃതർപ്പണം നടക്കും ബല്ലാരി കരയോഗത്തിന്റെ ആഭിമുഖ്യത്തിൽ ഹംപിയിലെ തുംഗഭദ്ര നദീതീരത്ത് പുലർച്ചെ ആറുമുതൽ ഒൻപതുവരെ പിതൃതർപ്പണം നടക്കും.
ശ്രീനാരായണസമിതി: ഹലസൂരു ഗുരുമന്ദിരത്തിലും ഹലസൂരു തടാകത്തിലെ കല്യാണി തീർഥത്തിലുമാണ് ചടങ്ങുകൾ. വ്യാഴാഴ്ച പുലർച്ചെ 2.30-ന് മഹാഗണപതിഹോമത്തോടെ ചടങ്ങുകൾ ആരംഭിക്കും. വിവരങ്ങൾക്ക് 080-25510277, 25548133, 9916480089, 7829510474, 9902733246
പാലക്കാടൻ കൂട്ടായ്മ: കർക്കടകവാവ് ബലിതർപ്പണം നടത്തുന്നതിന് ജൂലായ് 24-ന് രാവിലെ 4 മുതൽ 10 വരെ ഹൊരമാവ് അഗരയിലെ തടാക തീരത്ത് സൗകര്യമൊരുക്കിയിട്ടുണ്ട്. കൂടുതൽ വിവരങ്ങൾക്കും രജിസ്‌ട്രേഷനും ഫോൺ: 9742577605, 8861086416.
ബാംഗ്ലൂർ മുത്തപ്പൻ ട്രസ്‌റ്റ്: രാവിലെ 5 ന് മുത്യാലമ്മ നഗറി ലെ ശ്രീകൃഷ്ണ ക്ഷേത്രത്തിനു സമീപത്ത് നടക്കും. ഫോൺ: 8088312532, 7034457377.
എസ്എൻഡിപി കർണാടക: പുലർച്ചെ 5ന് ജാലഹള്ളി ഗംഗമ്മഗുഡി ദേവസ്ഥാനത്തിൽ ആരംഭിക്കും. ഫോൺ: 9481887418, 9845164841.
ശ്രീനാരായണ മാതൃദേവി- അയ്യപ്പ ദേവസ്ഥാനം: കഗ്ഗദാസപുരയിലെ ശ്രീനാരായണ മാതൃദേവി- അയ്യപ്പ ദേവസ്ഥാനത്ത് വെളുപ്പിനു 5.15നു വാവുബലി ആരംഭിക്കും. ഫോൺ: 8123364238.
SUMMARY: Preparations for the Karkkadakavavu Vali have been completed.
