ബെംഗളൂരു: ദാവൺഗരെ കേരളസമാജം സ്ത്രീ ശാക്തീകരണവും ശിശു ക്ഷേമവും മുൻനിർത്തി ‘അവളുടെ ആരോഗ്യം നമ്മുടെ മുൻഗണന’ എന്ന പേരില്‍ സംഘടിപ്പിക്കുന്ന ‘സമർപ്പണ 2025’ ഓഗസ്റ്റ് 17ന് ദാവൺഗരെ ഗുണ്ഡി മഹാദേവ കല്യാണമണ്ഡപത്തിൽ നടക്കും. രാവിലെ എഴുമണി മുതല്‍ വനിതകൾക്കായുള്ള സൗജന്യ ആരോഗ്യ പരിശോധനാ ക്യാമ്പ് ഉണ്ടാകും. രാവിലെ 10 മണി മുതൽ ഫാഷൻ ഷോ, ഗാനാലാപന മത്സരം, ഡാൻസ് മത്സരം, വിവിധ കാലപരിപാടികള്‍ എന്നിവ അരങ്ങേറും.
വൈകിട്ട് നാലിന് നടക്കുന്ന പൊതുപരിപാടിയിൽ ലോകസഭാ എം.പി. പ്രഭാ മല്ലികാർജുന മുഖ്യാതിഥിയാകും. പ്രതികൂല ജീവിത സാഹചര്യങ്ങളില്‍ നിന്നുള്ള രണ്ടു കുട്ടികളുടെ പഠനവും സംരക്ഷണവും കേരളസമാജം ഏറ്റെടുക്കുന്നതിന്റെ പ്രഖ്യാപനവും ചടങ്ങില്‍ നടക്കും. ഓട്ടിസം ബാധിച്ച 25 ഓളം കുട്ടികൾക്കുള്ള അവശ്യസാധനങ്ങൾ, അശരണരായ 20 അമ്മമാർക്ക് 6 മാസത്തേക്കുളള വസ്ത്രം, മരുന്നുകൾ, ഭക്ഷ്യ വസ്തുക്കൾ എന്നിവ ചടങ്ങില്‍ വിതരണം ചെയ്യും. നഴ്സിംഗ് മേഖലയിൽ 30 വർഷത്തിലേറെയായി പ്രവർത്തിക്കുന്ന 11 നഴ്സ്മാരെ വേദിയിൽ ആദരിക്കുകയും ചെയ്യും. കൂടുതല്‍ വിവരങ്ങള്‍ക്ക്: 8310034867, 98452 47085
SUMMARY: Kerala Samajam Davangere ‘Samarpana 2025’ celebrations on Sunday
WhatsApp
Telegram
