ബെംഗളൂരു : കർണാടക ഉപമുഖ്യമന്ത്രി ഡി.കെ. ശിവകുമാറിനു പിന്നാലെ ആർഎസ്എസ് ഗീതം പാടി മറ്റൊരു കോൺഗ്രസ് എംഎൽഎ കൂടി. തുമക്കൂരുവില് കുണിഗലില് ഒരു പൊതുപരിപാടിയില് പങ്കെടുക്കവേ എംഎൽഎ എച്ച്.ഡി. രംഗനാഥ് ആണ് നമസ്തെ സദാ വത്സലേ എന്ന ഗീതം പാടിയത്. ശിവകുമാർ നിയമസഭയില് പാടിയ ഗാനത്തിന്റെ ആദ്യവരികൾ മൂളിയ എംഎൽഎ നല്ല അർഥമുള്ള പാട്ടാണെന്നും പറഞ്ഞു. ജന്മനാടിനെ ആദരിക്കണമെന്ന വരികളടങ്ങിയ ഗാനം പാടുന്നതിൽ എന്താണ് തെറ്റെന്നും രംഗനാഥ് ചോദിച്ചു
കഴിഞ്ഞദിവസം നിയമസഭയിൽ ചിന്നസ്വാമി സ്റ്റേഡിയ ദുരന്തത്തെ കുറിച്ചുള്ള ചർച്ചയ്ക്കിടെയിലാണ് ശിവകുമാർ ആർഎസ്എസ് ഗാനം ആലപിച്ചത്. ഇതിൽ പാർട്ടിക്കുള്ളിൽനിന്നുതന്നെ എതിർപ്പ് ഉയർന്നിട്ടുണ്ട്. ഇതിനിടെയാണ് ഗാനത്തെ പുകഴ്ത്തി എംഎൽഎ രംഗത്തെത്തിയത്. ആർഎസ്എസിന്റെ പ്രത്യയശാസ്ത്രത്തെ അംഗീകരിക്കാൻ ഒരിക്കലും കഴിയില്ല. എന്നാൽ, അവരുടെ നല്ലകാര്യങ്ങളെ അംഗീകരിക്കുമെന്നും എംഎൽഎ വിശദീകരിച്ചു.
SUMMARY: After DK Shivakumar, Congress MLA also sings RSS anthem
.
WhatsApp
Telegram
