കിണറിന് മുകളിലെ സര്‍വ്വീസ് ലൈനില്‍ ഓല വീണു; എടുത്തു മാറ്റുന്നതിനിടെ കാല്‍ വഴുതി കിണറ്റില്‍ വീണ് യുവാവ് മരിച്ചു

കാസറഗോഡ്: ഉദുമയില്‍ യുവാവ് കിണറ്റില്‍ വീണ് മരിച്ചു. വലിയവളപ്പിലെ അശ്വിൻ അരവിന്ദ് (18) ആണ് മരിച്ചത്. കിണറിന് മുകളില്‍ സർവ്വീസ് ലൈനില്‍ വീണ ഓല എടുത്ത് മാറ്റുന്നതിനിടെ കാല്‍ വഴുതി കിണറിലേക്ക് വീഴുകയായിരുന്നു.

ഓല എടുത്തുമാറ്റുന്നതിനിടെ കാല്‍ വഴുതി അശ്വിൻ കിണറിലേക്ക് വീണു. വിവരം അറിഞ്ഞ ഉടൻ തന്നെ അഗ്നിരക്ഷാ സേന സ്ഥലത്തെത്തി രക്ഷാപ്രവർത്തനം നടത്തി. കിണറില്‍ നിന്ന് പുറത്തെടുത്ത അശ്വിനെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. അരവിന്ദിന്റെയും അംബുജാക്ഷിയുടെയും മകനാണ്.

SUMMARY: A tree fell on the service line above the well; a young man slipped and fell into the well while trying to remove it and died.