തിരുവനന്തപുരം: കേരളത്തിൽ സ്വർണവിലയില് നേരിയ ഇടിവ്. പവന് 160 രൂപ കുറഞ്ഞ് 1,20,080 രൂപയായി. ഗ്രാമിന് 20 രൂപയാണ് കുറഞ്ഞത്. 15,010 രൂപയാണ് ഒരു ഗ്രാം സ്വര്ണത്തിന്റെ വില. 20 ദിവസത്തിനിടെ പവന് വിലയില് 15,000 രൂപയുടെ വര്ധന രേഖപ്പെടുത്തിയതിന് ശേഷമാണ് ഇന്ന് വില കുറഞ്ഞത്. തുടർച്ചയായി വൻ കുതിപ്പാണ് സ്വർണവിലയില് രേഖപ്പെടുത്തുന്നത്.
വിപണിയിലെ വിലമാറ്റങ്ങള്ക്ക് അനുസരിച്ച് വരും ദിവസങ്ങളിലും കേരളത്തിലെ സ്വർണവില കുറയാൻ സാധ്യതയുണ്ട്. 1,20,240 രൂപയായിരുന്നു കഴിഞ്ഞ ദിവസത്തെ സ്വർണവില. വില ഉയർന്നതോടെ ഒരു പവൻ സ്വർണം വാങ്ങുന്ന ഉപഭോക്താക്കള് ആഭരണത്തിന്റെ പണിക്കൂലിയും നികുതിയും ഉള്പ്പെടെയുള്ള അധിക ചെലവുകള് കൂടി നല്കേണ്ടിവരും. അതായത് ഒരു പവൻ സ്വർണം വാങ്ങുമ്പോള് ജിഎസ്ടി, പണിക്കൂലി ഉള്പ്പെടെ 1,40000 വരെ നല്കേണ്ടിവരും.
SUMMARY: Gold rate is decreased
