ബെംഗളൂരു: ലാൻഡിംഗിനിടെ എയർ ഇന്ത്യ വിമാനത്തിന്റെ വാൽഭാഗം റൺവേയിലിടിച്ചു (ടെയിൽ സ്ട്രൈക്ക്). ഡൽഹിയിൽ നിന്ന് ബെംഗളൂരുവിലേക്ക് സർവീസ് നടത്തിയിരുന്ന എയർ ഇന്ത്യ വിമാനമായ എഐ2651 ആണ് ബെംഗളൂരു കെംപെഗൗഡ അന്താരാഷ്ട്ര വിമാനത്താവളത്തിൽ അപകടത്തിൽപെട്ടത്.
പൈലറ്റിന്റെ സമയോചിതമായ ഇടപെടൽ കാരണം വലിയൊരു അപകടം ഒഴിവായതായി റിപ്പോർട്ടുകൾ പറയുന്നു. എയർ ഇന്ത്യയുടെ 2651 എന്ന വിമാനമാണ് അപകടത്തിൽപ്പെട്ടത്. അതേസമയം, യാത്രക്കാരെല്ലാവരും സുരക്ഷിതരാണെന്ന് അധികൃതർ അറിയിച്ചു.
നിലവില് വിമാനം പരിശോധനയ്ക്കായി പാര്ക്ക് ചെയ്തിരിക്കുകയാണ്. വിമാനത്തിന്റെ ഡല്ഹിയിലേക്കുള്ള ഇന്നത്തെ വിമാന സര്വീസ് റദ്ദാക്കിയിട്ടുണ്ട്. മടക്കയാത്ര മുടങ്ങിയ യാത്രക്കാർക്കായി പകരം യാത്രാസൗകര്യങ്ങൾ ഒരുക്കിക്കൊണ്ടിരിക്കുകയാണെന്ന് അധികൃതർ വ്യക്തമാക്കി.
SUMMARY: Air India plane hits runway while landing in Bengaluru; major disaster averted
