പന്തീരാങ്കാവ് : ഒളവണ്ണയിൽ ടോൾ നൽകാതെ കടന്നുകളയാൻ ശ്രമിച്ചത് തടഞ്ഞ ജീവനക്കാരനെ അപായപ്പെടുത്താൻ ശ്രമിച്ച കാർ ഡ്രൈവർക്കെതിരെ വധശ്രമത്തിന് കേസെടുത്തു. കണ്ണാടിക്കൽ വേങ്ങേരി സ്വദേശി ഫഹീം മുഹമ്മദി(22)നെതിരെ ടോൾ പ്ലാസ ജീവനക്കാരനായ ഇരിങ്ങല്ലൂർ മമ്മിളിതടത്തിൽ മേത്തൽ ജിതേഷി(32)ന്റെ പരാതിയിലാണ് കേസെടുത്തത്. പ്രതിയെ പിടികൂടാനായില്ല.
ശനിയാഴ്ച വൈകിട്ട് അഞ്ചരയോടെയാണ് സംഭവം.കാറിന്‍റെ ബോണറ്റിൽ കുടുങ്ങിയ ജീവനക്കാരനെയും വഹിച്ച് 50 മീറ്ററോളം മുന്നോട്ട് പോയ ശേഷമാണ് കാറ് നിർത്തിയത്. സംഭവത്തിന്‍റെ ദൃശ്യങ്ങള്‍ പുറത്ത് വന്നിരുന്നു. മറ്റ് ജീവനക്കാർ എത്തിയതോടെ കാറ് നിർത്തി കാറിലുണ്ടായിരുന്നവർ മറ്റ് ജിവനക്കാരെയും കയ്യേറ്റം ചെയ്തതായി പരാതിയുണ്ട്. സംഭവത്തിനിടയാക്കിയ 11 BZ 1376 നമ്പറിലുള്ള വെളുത്തനിറത്തിലുള്ള കിയ കാർ പോലീസ് കസ്റ്റഡിയിലെടുത്തു. വീഴ്‌ചയിൽ പരുക്കേറ്റ ജിതേഷ് ചികിത്സയിലാണ്.
SUMMARY: Attempt to endanger toll plaza employee; Car driver booked for attempt to murder
