വിസ സേവനങ്ങൾ ഇനി എളുപ്പത്തിൽ; ബെംഗളൂരുവിൽ അടുത്ത വർഷത്തോടെ യുഎസ് കോൺസുലേറ്റ് തുറക്കുന്നു

ബെംഗളൂരു: ബെംഗളൂരുവിൽ അടുത്ത വർഷം ജനുവരിയോടെ യുഎസ് കോൺസുലേറ്റ് തുറക്കുമെന്ന് ഇന്ത്യയിലെ യുഎസ് അംബാസഡർ എറിക് ഗാർസെറ്റി. ബെംഗളൂരു, അഹമ്മദാബാദ് എന്നിവിടങ്ങളിൽ കോൺസുലേറ്റ് തുറക്കുമെന്ന് നേരത്തെ യുഎസ് പ്രഖ്യാപിച്ചിരുന്നു.

ബെംഗളൂരുവിൽ കോൺസുലേറ്റുകൾ, ഹൈക്കമ്മീഷനുകൾ ഉൾപ്പെടെ വിവിധ രാജ്യങ്ങളുടെ 31 ഓളം നയതന്ത്ര കാര്യാലയങ്ങളാണ് പ്രവർത്തിക്കുന്നത്. ജപ്പാൻ്റെ കോൺസുലേറ്റ് ജനറൽ, ബെൽജിയത്തിൻ്റെ ഹൈക്കമ്മീഷൻ , ഫ്രാൻസ്, ജർമനി, അയർലൻ്റ്, നെതർലാൻഡ്സ്, ഇസ്രായേൽ, കാനഡ, തുടങ്ങിയ വിവിധ രാജ്യങ്ങളുടെ കോൺസുലേറ്റ് ജനറൽ, വിവിധ ആഫ്രിക്കൻ രാജ്യങ്ങളുടെ ഹോണററി കോൺസുലേറ്റ്, യുകെ ഹൈക്കമ്മീഷൻ തുടങ്ങിയവ ബെംഗളൂരുവിൽ പ്രവർത്തിക്കുന്നുണ്ട്.

യുഎസ് കോൺസുലേറ്റ് സ്ഥാപിക്കാനുള്ള തീരുമാനം ബെംഗളൂരുവിൻ്റെ നാഴികക്കല്ലാണെന്ന് തേജസ്വി സൂര്യ എംപി പറഞ്ഞു. വർഷങ്ങളായി ബെംഗളൂരുവിൽ യുഎസ് കോൺസുലേറ്റ് ഇല്ലാത്തതിനാൽ വിസ സേവനങ്ങൾക്കായി ചെന്നൈയിലേക്കോ ഹൈദരാബാദിലേക്കോ പോകേണ്ട സാഹചര്യമുണ്ടായിരുന്നു. യുഎസ് അംബാസഡർ എറിക് ഗാർസെറ്റിയുടെ പ്രഖ്യാപനത്തോടെ ദീർഘകാല ആവശ്യം യാഥാർഥ്യമാകുന്നതിൽ സന്തോഷമുണ്ടെന്നും പ്രധാനമന്ത്രിക്കും വിദേശകാര്യ മന്ത്രിക്കും നന്ദി അറിയിക്കുന്നതായും തേജസ്വി സൂര്യ പറഞ്ഞു.

TAGS: BENGALURU | US CONSULATE
SUMMARY: US Consulate likely to open in Bengaluru next month