സാങ്കേതിക തകരാർ; റെയിൽവേ ക്രോസിംഗിൽ ബിഎംടിസി ബസ് കുടുങ്ങി

ബെംഗളൂരു: സാങ്കേതിക തകരാർ കാരണം റെയിൽവേ ക്രോസിംഗിൽ ബിഎംടിസി ബസ് കുടുങ്ങി. കെംഗേരിക്ക് സമീപമുള്ള രാമോഹള്ളി റെയിൽവേ ക്രോസിംഗിൽ പത്തിലധികം യാത്രക്കാരുമായി പോയ ബിഎംടിസി ബസാണ് ട്രാക്കിൽ കുടുങ്ങിയത്. ഡിപ്പോ-21ൽ (ആർആർ നഗർ) നിന്നുള്ള റൂട്ട് നമ്പർ 227ജെ/1 (മാലിഗൊണ്ടനഹള്ളി – കെആർ മാർക്കറ്റ്) സർവീസ് നടത്തുന്നതുമായ ബസ് ആണ് കുടുങ്ങിയത്.

മൈസൂരു-ചെന്നൈ വന്ദേ ഭാരത് ട്രെയിൻ ട്രാക്കിലേക്ക് എത്താറായപ്പോഴായിരുന്നു സംഭവം. ഉടൻ ബസ് ഡ്രൈവർ ബിഎംടിസി അധികൃതരെയും, റെയിൽവേ ഉദ്യോഗസ്ഥരും വിവരമറിയിച്ചു. തുടർന്ന് റെയിൽവേയുടെ സ്റ്റാൻഡേർഡ് സുരക്ഷാ പ്രോട്ടോക്കോൾ പ്രകാരം ട്രെയിൻ നമ്പർ 20663 മൈസൂരു-ചെന്നൈ വന്ദേ ഭാരത് എക്സ്പ്രസ് രാവിലെ 7:18 മുതൽ 7:53 വരെ (35 മിനിറ്റ്) ലെവൽ ക്രോസിംഗിൽ പിടിച്ചിട്ടു. ട്രെയിൻ നമ്പർ 12785 കച്ചേഗുഡ-മൈസൂരു എക്സ്പ്രസ് രാവിലെ 7:23 മുതൽ 7:53 വരെ (30 മിനിറ്റ്) വൈകിയാണ് മൈസൂരുവിലെത്തിയത്. തുടർന്ന് ടോവിങ് വാഹനം ഉൾപ്പെടെ എത്തിയാണ് ബസ് ട്രാക്കിൽ നിന്ന് നീക്കം ചെയ്തത്.

TAGS: BENGALURU | BMTC
SUMMARY: BMTC bus stuck at railway crossing as Vande Bharat train approaches