ന്യൂഡൽഹി: ബോംബ് ഭീഷണിയെ തുടർന്ന് വെള്ളിയാഴ്ച ഡല്ഹിയില് നിന്ന് ലണ്ടനിലേക്ക് പുറപ്പെട്ട വിസ്താര വിമാനം ജർമനിയിലെ ഫ്രാങ്ക്ഫർട്ടിലേക്ക് തിരിച്ചുവിട്ടു. ശനിയാഴ്ച്ച പുലർച്ചെ വിമാനം ഫ്രാങ്ക്ഫർട്ട് വിമാനത്താവളത്തില് സുരക്ഷിതമായി ഇറക്കിയെന്നും പരിശോധനകള് നടക്കുന്നുണ്ടെന്നും എയർലൈൻ വക്താവ് പ്രസ്താവനയില് അറിയിച്ചു.
ഒക്ടോബർ 18ന് ഡല്ഹിയില് നിന്ന് ലണ്ടനിലേക്ക് സർവീസ് നടത്തുന്ന വിസ്താര-യു.കെ 17ന് സോഷ്യല് മീഡിയയില് സുരക്ഷാ ഭീഷണി ലഭിച്ചിരുന്നു. അതേസമയം, വെള്ളിയാഴ്ച്ച ബെംഗളൂരുവില് നിന്ന് മുംബൈയിലേക്ക് പറക്കാൻ നിശ്ചയിച്ചിരുന്ന ആകാസ എയർ ക്യു.പി 1366 വിമാനത്തിന് പുറപ്പെടുന്നതിന് തൊട്ടുമുമ്പ് സുരക്ഷാ ഭീഷണി ലഭിച്ചതായി അധികൃതർ പറഞ്ഞു. സുരക്ഷാ ഏജൻസികള് അനുമതി നല്കിയാല് വിമാനം ലക്ഷ്യസ്ഥാനത്തേക്ക് തുടരും.
തുടർന്ന് എല്ലാ യാത്രക്കാരെയും വിമാനത്തില് നിന്ന് ഇറക്കി പരിശോധന നടത്തുകയായിരുന്നു. കഴിഞ്ഞ കുറച്ച് ദിവസങ്ങളായി 40ഓളം വിമാനങ്ങള്ക്ക് വ്യാജ ബോംബ് ഭീഷണി ലഭിച്ചിരുന്നു. വ്യാജ ബോംബ് ഭീഷണികള് ഉണ്ടാകുന്നത് തടയാൻ കുറ്റവാളികളെ ‘നോ ഫ്ലൈ’ ലിസ്റ്റില് ഉള്പ്പെടുത്തുന്നത് ഉള്പ്പെടെ കർശനമായ മാനദണ്ഡങ്ങള് ഏർപ്പെടുത്താൻ സിവില് ഏവിയേഷൻ മന്ത്രാലയം പദ്ധതിയിടുന്നുണ്ട്.
TAGS : BOMB THREAT | VISTARA AIRLINE
SUMMARY : Bomb threat on Vistara flight from Delhi to London
WhatsApp
Telegram
