ബെംഗളൂരു; ബെംഗളൂരു മലയാളി എഴുത്തുകാരുടെ പുസ്തക പ്രകാശനം, പുസ്തകചന്ത. സാംസ്കാരിക സമ്മേളനം എന്നിവ ഓഗസ്റ്റ് 25ന് കേരള സമാജം ദൂരവാണിനഗറിന്റെ വിജിനപുരയിലുള്ള ജൂബിലീ സ്കൂളില് രാവിലെ 9.30 മുതല് നടക്കും. കേരളസമാജം മുന് പ്രസിഡന്റ് എം.എസ് ചന്ദ്രശേഖരന് ഉദ്ഘാടനം ചെയ്യും. കേരളസമാജം പ്രസിഡന്റ് മുരളീധരന് നായര് അധ്യക്ഷത വഹിക്കും. ബെംഗളൂരുവിലെ 65 മലയാളികളായ എഴുത്തുകാരും സാംസ്കാരിക പ്രവര്ത്തകരും സമ്മേളനത്തില് പങ്കെടുക്കും. എഴുത്തുകാരെ ചടങ്ങില് ആദരിക്കും.
ബ്രിജി.കെ.ടി, ഇന്ദിരാ ബാലന്, രമാ പ്രസന്ന പിഷാരടി, ഷൈനി അജിത്, സിന.കെ.എസ്, മാസ്റ്റര് ഓസ്റ്റിന്, എസ്.കെ.നായര് എന്നിവരുടെ എട്ടു പുസ്തകങ്ങളാണ് പ്രകാശനം ചെയ്യുന്നത്. പ്രകാശനം ചെയ്ത പുസ്തകങ്ങളുടെ എഴുത്തുകാരെ പീറ്റര് ജോര്ജ് അനുമോദിക്കും.
പ്രശസ്ത സാഹിത്യകാരന്മാരായ ആലങ്കോട് ലീലാകൃഷ്ണന്, യു.കെ.കുമാരന്, സുകുമാരന് പെരിയച്ചുര്, എന്നിവരും കേന്ദ്ര സാഹിത്യ അക്കാദമി അവാര്ഡ് ജേതാക്കളായ സുധാകരന് രാമന്തളി, കെ.കെ ഗംഗാധരന്, കെ. ആര്. കിഷോര്, വിഷ്ണുമംഗലം കുമാര്, പി.ദിവാകരന് തുടങ്ങിയവര് സംസാരിക്കും.
എഴുത്തുകാരനും കേരള സമാജം മുന് പ്രസിഡന്റുമായ എസ് കെ. നായര് ചെയര്മാനും എഴുത്തുകാരിയും സാഹിത്യ നിരൂപകയുമായ ഷൈനി അജിത് കണ്വീനറുമായുള്ള സംഘാടക സമിതിയാണ് സാംസ്കാരിക സമ്മേളനത്തിന് നേതൃത്വം നല്കുന്നത്.
<BR>
TAGS : ART AND CULTURE | LITERATURE
SUMMARY : Book Release, Cultural Conference, Book Market on 25th
WhatsApp
Telegram
