കൊച്ചി: ഹോട്ടലില് അതിക്രമം നടത്തുകയും വധഭീഷണി മുഴക്കുകയും ചെയ്തതിന് നടിയെ ആക്രമിച്ച കേസിലെ പ്രതിയായ പള്സർ സുനിക്കെതിരെ പോലീസ് കേസ് രജിസ്റ്റർ ചെയ്തു. കര്ശന ജാമ്യവ്യവസ്ഥകളോടെ പുറത്തിറങ്ങിയ പ്രതി പെരുമ്പാവൂര് കുറുപ്പംപടി രായമംഗലത്തെ ഹോട്ടലില് അതിക്രമം നടത്തിയതിയത്.
വധശ്രമം ഉള്പ്പെടെയുള്ള വകുപ്പുകള് പ്രകാരമാണ് പോലീസ് ഇപ്പോള് കേസ്. സിസിടിവി ഇല്ലാത്ത ഭാഗത്തേക്ക് വന്നാല് നിന്നെ ശരിയാക്കിതരാമെന്ന് ജീവനക്കാരനെ ഭീഷണിപ്പെടുത്തിയതായും എഫ്ഐആറില് പറയുന്നു. ഞായറാഴ്ച രാത്രി എട്ടരയോടെയാണ് സംഭവം ഉണ്ടായത്.
ഭക്ഷണം കഴിക്കാന് ആദ്യം ഓര്ഡര് എടുത്തതാണെങ്കിലും രണ്ടാമത് വീണ്ടും ജീവനക്കാരൻ ഓർഡർ എടുക്കാൻ എത്തിയപ്പോള് സുനി പ്രകോപിതനാവുകയായിരുന്നു. ചില്ല് ഗ്ലാസ് എറിഞ്ഞുടയ്ക്കുകയും അസഭ്യം വിളിക്കുകയും ജീവനക്കാരെ ഭീഷണിപ്പെടുത്തുകയും ചെയ്തെന്നാണ് പരാതി.
TAGS : PULSAR SUNI
SUMMARY : Case filed against Pulsar Suni for trespassing in hotel
WhatsApp
Telegram
