തിരുവനന്തപുരം: അതിജീവിതയെ അപമാനിച്ച കേസില് ജയിലില് തുടരുന്ന രാഹുല് ഈശ്വറിനെ ആരോഗ്യനില വഷളായതിനെ തുടർന്ന് വീണ്ടും ആശുപത്രിയില് പ്രവേശിപ്പിച്ചു. ജയിലില് നിരാഹാരം തുടരുന്നതിനിടയിലാണ് ആശുപത്രിയില് പ്രവേശിപ്പിച്ചത്. തിരുവനന്തപുരം മെഡിക്കല് കോളേജിലാണ് പ്രവേശിപ്പിച്ചത്.
ആരോഗ്യനിലയില് മാറ്റമുണ്ടാകുന്ന മുറയ്ക്ക് രാഹുലിനെ തിരികെ ജയിലിലേയ്ക്ക് തന്നെ മാറ്റുമെന്ന് അധികൃതർ അറിയിച്ചു. എം എല് എ രാഹുല് മാങ്കൂട്ടത്തിലിനെതിരെ ലൈംഗിക പീഡന പരാതി നല്കിയ യുവതിയെ അപമാനിച്ചെന്ന കേസിലാണ് രാഹുല് ഈശ്വറിനെ പോലീസ് അറസ്റ്റ് ചെയ്തത്. കേസിലെ അഞ്ചാം പ്രതിയായ രാഹുല് ഈശ്വർ നിലവില് പൂജപ്പുര സെൻട്രല് ജയിലില് തുടരുകയാണ്.
കേസില് വഞ്ചിയൂർ മജിസ്ട്രേറ്റ് കോടതി രാഹുല് ഈശ്വറിന് ജാമ്യം നിഷേധിച്ചിരുന്നു. രാഹുല് ഈശ്വർ ഒരു സ്ഥിരം കുറ്റവാളിയാണെന്നും ജാമ്യം നല്കുന്നത് കേസിനെ പ്രതികൂലമായി ബാധിക്കുമെന്നുമായിരുന്നു കോടതിയില് പ്രോസിക്യൂഷൻ വാദം. അതിജീവിതയുടെ ഐഡൻ്റിറ്റി രാഹുല് വെളിപ്പെടുത്തിയെന്നും പ്രോസിക്യൂഷൻ കോടതിയില് വാദിച്ചിരുന്നു.
SUMMARY: Rahul Easwar is back in the hospital
