ന്യൂഡല്ഹി: വിദ്യാര്ഥി പ്രക്ഷോഭങ്ങള്ക്കൊടുവില് കേന്ദ്ര വിദ്യാഭ്യാസമന്ത്രി ധര്മ്മേന്ദ്ര പ്രധാന് രാജിവച്ചതിന് പിന്നാലെ പ്രതിഷേധക്കാരെ അഭിനന്ദിച്ച് പ്രതിപക്ഷ നേതാവ് രാഹുല് ഗാന്ധി. രാജ്യത്തെ വിദ്യാഭ്യാസ സമ്പ്രദായത്തെ പുനര്നിര്മിക്കുന്നതിനായുള്ള വലിയൊരു ചുവടുവെയ്പാണ് പ്രധാന്റെ രാജിയെന്ന് രാഹുല് ഗാന്ധി എക്സില് പങ്കുവച്ച വീഡിയോയില് പറഞ്ഞു. രാജ്യത്തുടനീളമുള്ള വിദ്യാര്ഥികള്ക്ക് അഭിനന്ദനങ്ങള്, നിങ്ങളെയോര്ത്ത് ഞങ്ങള് ഏവരും അഭിമാനിക്കുന്നുവെന്നും, ഭയപ്പടരുത് എന്ന സന്ദേശം ഉയര്ത്തിപ്പിടിച്ച് ഭരണകൂടത്തിനെതിരെ ഒറ്റക്കെട്ടായി നിലനില്ക്കണമെന്നും വീഡിയോ സന്ദേശത്തിലൂടെ അദ്ദേഹം ആഹ്വാനം ചെയ്തു.
धर्मेंद्र प्रधान का इस्तीफा हमारे education system को फिर से संवारने की दिशा में बहुत बड़ा कदम है।
शाबाश देश भर के छात्रों, आप सभी पर गर्व है।
सड़कों पर आ कर लोकतंत्र, संविधान और अपने भविष्य की रक्षा में डट कर खड़े होने वाले हर एक युवा, हर छात्र को बहुत-बहुत बधाई।
2 मांगें… pic.twitter.com/Uc2cEOCVKA
— Rahul Gandhi (@RahulGandhi) July 25, 2026
യുവജനങ്ങളുടെ ഐക്യവും ജനാധിപത്യപരമായ പോരാട്ടവുമാണ് ഈ വിജയത്തിന് വഴിയൊരുക്കിയതെന്നും അദ്ദേഹം പറഞ്ഞു. എന്നാല്, പ്രധാന്റെ രാജി കൊണ്ട് മാത്രം വിഷയം അവസാനിക്കുന്നില്ലെന്നും രണ്ട് പ്രധാന ആവശ്യങ്ങള് കൂടി സര്ക്കാര് അടിയന്തരമായി നിറവേറ്റേണ്ടതുണ്ടെന്നും രാഹുല് ഗാന്ധി വ്യക്തമാക്കി. ജൂലൈ 20-ന് നടന്ന പാര്ലമെന്റ് മാര്ച്ചിനിടെ വിദ്യാര്ഥികള്ക്ക് നേരെ നടന്ന അടിച്ചമര്ത്തലിന് ഉത്തരവാദികളായ, വിദ്യാര്ഥികളെ ആക്രമിച്ച ഉദ്യോഗസ്ഥര്ക്കെതിരെ കര്ശന നടപടി സ്വീകരിക്കണമെന്നതാണ് ആദ്യ ആവശ്യം. പ്രതിഷേധത്തിനിടെ ക്രൂരമായി ആക്രമിക്കപ്പെട്ട വിദ്യാര്ഥികളോട് പ്രധാനമന്ത്രി നരേന്ദ്ര മോദി പരസ്യമായി ക്ഷമ ചോദിക്കണമെന്നതാണ് രണ്ടാമത്തെ ആവശ്യം. ഇന്ത്യയിലെ വിദ്യാര്ഥികളോടുള്ള ബഹുമാനം മുന്നിര്ത്തി പ്രധാനമന്ത്രി ഇതിന് തയ്യാറാകണമെന്നും അദ്ദേഹം കൂട്ടിച്ചേര്ത്തു.
വര്ഷങ്ങളായി ഇന്ത്യയുടെ വിദ്യാഭ്യാസ സമ്പ്രദായം ആക്രമണത്തിന് ഇരയായിക്കൊണ്ടിരിക്കുകയാണെന്നും അത് പിടിച്ചെടുക്കപ്പെടുകയും സ്വകാര്യവല്ക്കരിക്കപ്പെടുകയും ചെയ്യുകയാണെന്നും രാഹുല് ഗാന്ധി പറഞ്ഞു.നമ്മുടെ അഭിമാനമായിരുന്ന, ലോകം മുഴുവന് വളരെ മികച്ചതാണെന്ന് അംഗീകരിച്ചിരുന്ന വിദ്യാഭ്യാസ സമ്പ്രദായം വര്ഷങ്ങളായി ആക്രമിക്കപ്പെടുന്നു.
പ്രധാന് ഒരു പ്രതീകമാണ്. അഴിമതിയുടെ പ്രതീകം, വിദ്യാഭ്യാസ സമ്പ്രദായത്തിന്റെ നാശത്തിന്റെ പ്രതീകം, കഴിവുകേടിന്റെ പ്രതീകം. അദ്ദേഹത്തിന് രാജിവെച്ച് പോകേണ്ടി വന്നു. അദ്ദേഹം പോയത് നല്ലതാണെന്നും രാഹുല് ഗാന്ധി പറഞ്ഞു
വിദ്യാര്ഥികള്ക്ക് നേരെ മാരകായുധങ്ങള് പ്രയോഗിച്ചതിന് അമിത് ഷായാണ് .നമ്മുടെ വിദ്യാര്ഥികള്ക്ക് നേരെ മാരകായുധങ്ങള് പ്രയോഗിക്കാന് അദ്ദേഹം അനുമതി നല്കി. വിദ്യാര്ത്ഥികള്ക്ക് നേരെ പെല്ലറ്റ് ഗണ്ണുകള് ഉപയോഗിക്കാന് ആഭ്യന്തര മന്ത്രിയാണ് അനുമതി നല്കിയതെന്നും രാഹുല് ഗാന്ധി ആരോപിച്ചു.ഇതൊരു അടിസ്ഥാനപരമായ വിഷയമാണെന്നും അത് പാര്ലമെന്റില് ഉന്നയിക്കുമെന്നും രാഹുല് ഗാന്ധി പറഞ്ഞു.
SUMMARY: Congratulations, I am proud of you students; Rahul Gandhi
