സര്‍ബകാന്ത: ഗുജറാത്തിലെ ഹിമ്മത്‌നഗറില്‍ അമിതവേഗതയില്‍ വന്ന സ്‌കോര്‍പിയോ കാര്‍ തീര്‍ത്ഥാടക സംഘത്തിനിടയിലേക്ക് ഇടിച്ചുകയറി ഒരാള്‍ക്ക് ദാരുണാന്ത്യം. പത്തിലധികം പേര്‍ക്ക് പരിക്കേറ്റു. സംഭവത്തെത്തുടര്‍ന്ന് രോഷാകുലരായ ജനം വാഹനം കത്തിച്ചു. സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്. ദോൽഗഢ്-പാടിയ ഹൈവേ ജങ്ഷന് സമീപമാണ് അപകടമുണ്ടായത്. പ്രശസ്തമായ അംബാജി ക്ഷേത്രത്തിലേക്ക് കാൽനടയായി പോവുകയായിരുന്ന ഭക്തരുടെ കൂട്ടത്തിലേക്കാണ് അമിതവേഗതയിലെത്തിയ പുതിയ സ്‌കോർപിയോ എൻ കാർ പാഞ്ഞുകയറിയത്.
A speeding car rammed a group of devotees walking on the Ambaji pilgrimage route near Dolgadh Patia in Himmatnagar, Gujarat.
Around five to seven pilgrims were injured in the accident. The condition of the injured is not yet known. pic.twitter.com/nvQk34ITWc
— NDTV (@ndtv) September 21, 2026
അപകടമുണ്ടാക്കിയ ശേഷം ഡ്രൈവർ വാഹനം നിർത്താതെ ഓടിച്ചുപോകാൻ ശ്രമിച്ചു. എന്നാൽ സമീപത്തുണ്ടായിരുന്ന നാട്ടുകാരും തീർഥാടകരും ചേർന്ന് വാഹനം തടഞ്ഞു. തുടർന്ന് രോഷാകുലരായ ജനക്കൂട്ടം വടികൾ ഉപയോഗിച്ച് കാറിന്റെ ചില്ലുകളും ബോണറ്റും തല്ലിത്തകർക്കുകയും ഹൈവേയിൽ വെച്ച് കാറിന് തീയിടുകയും ചെയ്തു.
ഡ്രൈവർ മദ്യപിച്ചിരുന്നതായി നാട്ടുകാർ ആരോപിച്ചു. വാഹനത്തിനുള്ളിൽ നിന്ന് കാലിയായ മദ്യക്കുപ്പി കണ്ടെത്തിയതിന്റെ ദൃശ്യങ്ങളും പുറത്തുവന്നിട്ടുണ്ട്. പൂർണ്ണ മദ്യനിരോധനം നിലനിൽക്കുന്ന ഗുജറാത്തിലാണ് ഈ സംഭവം നടന്നത്. സംഭവത്തില്‍ പോലീസ് അന്വേഷണം ആരംഭിച്ചു.
SUMMARY: One person died after a car plowed into a group of pilgrims; the crowd set the car on fire.
