ന്യൂഡല്ഹി: കോണ്ഗ്രസിന്റെ പുതിയ ദേശീയ ആസ്ഥാനമന്ദിരം ‘ഇന്ദിരാ ഭവൻ’ ഇന്ന് ഉദ്ഘാടനം ചെയ്യും. രാവിലെ ഒൻപതിന് കോണ്ഗ്രസ് പാര്ലമെന്ററി പാര്ട്ടി നേതാവ് സോണിയാഗാന്ധിയാണ് ഉദ്ഘാടനം ചെയ്യുക. ഒരുമണിവരെ നീളുന്ന പരിപാടിയിൽ പ്രവർത്തകസമിതി അംഗങ്ങൾ, സംസ്ഥാന അധ്യക്ഷന്മാർ, നിയമസഭാകക്ഷി നേതാക്കൾ, മുഖ്യമന്ത്രിമാർ, എം.പി.മാർ, മുൻ മുഖ്യമന്ത്രിമാർ, മുൻ ജനറൽ സെക്രട്ടറിമാർ തുടങ്ങിയവർ പങ്കെടുക്കും.
അഞ്ച് പതിറ്റാണ്ടോളം ഉപയോഗിച്ച അക്ബര് റോഡിലെ 24ാം നമ്പര് മന്ദിരത്തില്നിന്ന് കോട്ല റോഡിലെ 9 എ ഇന്ദിരാഗാന്ധി ഭവനിലേക്കാണ് ആസ്ഥാനം മാറുന്നത്. 1978 ല് കോണ്ഗ്രസ് പിളര്ന്ന് ഇന്ദിര ഗാന്ധി കോണ്ഗ്രസ് ഐ രൂപീകരിച്ചത് മുതല് 24, അക്ബര് റോഡ് കോണ്ഗ്രസിന്റെ ദേശീയ ആസ്ഥാനമാണ്. പുതിയ ആസ്ഥാനത്തിലേക്ക് മാറിയാലും 24, അക്ബര് റോഡിലെ ആസ്ഥാനം പാര്ട്ടി നിലനിര്ത്തും.
<br>
TAGS : INDIAN NATIONAL CONGRESS
SUMMARY : Congress’ new headquarters to be inaugurated today
WhatsApp
Telegram
