ബെംഗളൂരു: കർണാടകയിൽ ഡീസൽ വിലയിൽ രണ്ട് രൂപ വർധിപ്പിച്ചു. ഡീസൽ വില്പന നികുതിയിൽ 2.73 ശതമാനം വർധന വരുത്താൻ സംസ്ഥാന സർക്കാർ തീരുമാനിച്ചത്തോടെയാണിത്. വർധനവ് ചൊവ്വാഴ്ച പ്രാബല്യത്തിൽ വന്നു. 18.44 ശതമാനത്തിൽനിന്ന് 21.17 ശതമാനമായി നികുതി വർധിപ്പിക്കാനാണ് സർക്കാരിന്റെ തീരുമാനം. ഇതോടെ രണ്ടുരൂപയുടെ വർധനയാണ് ഒരുലിറ്റർ ഡീസലിന്മേലുണ്ടായിരിക്കുന്നത്. നിലവിലെ വിലയനുസരിച്ച് പുതിയ ഡീസൽ വില സംസ്ഥാനത്ത് ലിറ്ററിന് 91.02 ആയി ഉയരും.
2021 നവംബറിന് മുമ്പ് കർണാടകയിൽ ഡീസലിന്മേലുള്ള വിൽപ്പന നികുതി 24 ശതമാനം ആയിരുന്നു. 2024 ജൂണിൽ 18.44 ശതമാനത്തിലേക്ക് കുറച്ചു. പുതിയ വർധനവ് നിലവിൽ വന്നാലും സമീപ സംസ്ഥാനങ്ങളെക്കാൾ കുറഞ്ഞ നിരക്കിലാകും കർണാടകയിൽ ഡീസൽ ലഭ്യമാകുക. ഡീസല്‍ വില വര്‍ധിപ്പിച്ചതോടെ ഗതാഗത നിരക്കുകള്‍ വര്‍ധിപ്പിക്കണമെന്നാവശ്യം ചില കോണുകളില്‍ നിന്ന് ഉയര്‍ന്നിട്ടുണ്ട്, കഴിഞ്ഞ ജൂണിലാണ് അവസാനമായി കര്‍ണാടകയില്‍ ഡീസല്‍ വില വര്‍ധനവ് ഉണ്ടായത്. അന്ന് പെട്രോളിന് മൂന്ന് രൂപയും ഡീസലിന് 3.02 രൂപയും വര്‍ധിപ്പിച്ചിരുന്നു.
Karnataka Sales Tax rate on diesel has been increased to 21.17%, effective from 01-04-2025. As a result, there will be an increase of Rs 2 per litre, bringing the sale price to Rs 91.02. pic.twitter.com/gt7mVaVrME
— ANI (@ANI) April 1, 2025
TAGS: KARNATAKA | PRICE HIKE
SUMMARY: DieSel price hiked in state
