ബെംഗളൂരു: കര്‍ണാടക മുഖ്യമന്ത്രി സിദ്ധരാമയ്യയും ഉപമുഖ്യമന്ത്രി ഡി.കെ. ശിവകുമാറും ശനിയാഴ്ച കൂടിക്കാഴ്ച നടത്തി. മുഖ്യമന്ത്രി സ്ഥാനത്തെച്ചൊല്ലി പാര്‍ട്ടിക്കുള്ളില്‍ നിലനില്‍ക്കുന്ന സംഘര്‍ഷം ശമിപ്പിക്കുന്നതിനാണ് യോഗം ചേര്‍ന്നത്. സംസ്ഥാന നേതൃമാറ്റത്തെച്ചൊല്ലി ഇരു ക്യാമ്പുകളും പരസ്യമായി പോരടിക്കുമ്പോഴാണ്, ഹൈക്കമാൻഡിൻ്റെ നിർദ്ദേശപ്രകാരം ഡി കെ ശിവകുമാർ സിദ്ധരാമയ്യയുടെ വസതിയില്‍ പ്രഭാതഭക്ഷണത്തിനായി എത്തിയത്.
തർക്കങ്ങള്‍ അവസാനിപ്പിക്കാൻ ഇരു നേതാക്കളെയും കാണാനും സംസാരിക്കാനും ഹൈക്കമാൻഡ് ആവശ്യപ്പെട്ടിരുന്നു. കർണാടകയുടെ പരമ്പരാഗത പ്രാതല്‍ വിഭവങ്ങളായ ഉപ്പുമാവ്, ഇഡ്ഡലി, കേസരി ബാത്ത് എന്നിവ പങ്കിടുന്ന രണ്ട് നേതാക്കളുടെ ചിത്രം പുറത്തുവന്നതോടെ, കോണ്‍ഗ്രസിലെ ആഭ്യന്തരകലഹം അവസാനിച്ചോ എന്ന ആകാംഷയിലാണ് രാഷ്ട്രീയ ലോകം.
ഈ കൂടിക്കാഴ്ചയെ രാഷ്ട്രീയ നിരീക്ഷകർ കാണുന്നത് 2026 മാർച്ചിലോ ഏപ്രിലിലോ സിദ്ധരാമയ്യയില്‍ നിന്ന് ശിവകുമാറിലേക്ക് എത്രയും പെട്ടെന്ന് അധികാര കൈമാറ്റം നടക്കും എന്നതിന്റെ സൂചനയായാണ്. പ്രഭാതഭക്ഷണത്തിന് പിന്നാലെതന്നെ ഇരുനേതാക്കളും ഒരുമിച്ച്‌ ഭക്ഷണം കഴിക്കുന്നതിന്റെ ചിത്രങ്ങള്‍ സാമൂഹിക മാധ്യമങ്ങളിലും പങ്കുവെച്ചു.
SUMMARY: DK Shivakumar arrives at Siddaramaiah’s house amid disputes
WhatsApp
Telegram
