ബെംഗളൂരു: ഡിആർഡിഒ-യുടെ 39-മത് ഓണാഘോഷം ഒക്ടോബർ 31, നവംബർ 1 തീയതികളിലായി സി വി രാമൻ നഗറിലെ കമ്മ്യൂണിറ്റി ഹാളിൽ നടക്കും. ശനിയാഴ്ച വൈകിട്ട്‌ 5. 30 ന് നടക്കുന്ന ഉദ്ഘാടന പരിപാടിയിൽ ഡോ. ബെന്നി ജോർജ് അധ്യക്ഷത വഹിക്കും. എഴുത്തുകാരനും കവിയുമായ ആലങ്കോട് ലീലാകൃഷ്ണൻ മുഖ്യാതിഥിയാകും. ഡോ. രാജേഷ് കുമാർ സഹുവിനെ ചടങ്ങിൽ ആദരിക്കും. സുവനീർ പ്രകാശനം, ആദരിക്കൽ ചടങ്ങുകൾ എന്നിവ തുടർന്ന് നടക്കും. ഡിആർഡിഒ മഞ്ചാടിക്കൂട്ടം അവതരിപ്പിക്കുന്ന ഓണനിലാവ് സാംസ്കാരിക പരിപാടിയും ഉണ്ടായിരിക്കും.
നവംബർ ഒന്നിന് രാവിലെ നടക്കുന്ന പൂക്കള മത്സരം സി. യു ഹരി ഉദ്ഘാടനം ചെയ്യും. തുടർന്ന് ഓണസദ്യയും കരോക്കെ ഗാനമേളയും അവാർഡ്, സമ്മാന വിതരണവും നടക്കും. വൈകുന്നേരം 5. 30ന് പിന്നണി ഗായിക നിത്യ മാമനും സംഘവും നയിക്കുന്ന സംഗീത നിശ അരങ്ങേറും.
