ദീപാവലി; പടക്കം പൊട്ടിക്കുന്നതിനിടെ 11 കുട്ടികൾക്ക് പരുക്ക്

ബെംഗളൂരു: ബെംഗളൂരുവിൽ ദീപാവലി ആഘോഷങ്ങളുടെ ഭാഗമായി പടക്കം പൊട്ടിക്കുന്നതിനിടെ വിവിധയിടങ്ങളിലായി 11 കുട്ടികൾക്ക് പരുക്കേറ്റു. ഭൂരിഭാഗം പേർക്കും കണ്ണിനാണ് പരുക്ക്. ഇവരെല്ലാം നഗരത്തിലുടനീളമുള്ള വിവിധ ആശുപത്രികളിൽ ചികിത്സയിലാണ്.

മിൻ്റോ ഒഫ്താൽമിക് ആശുപത്രിയിൽ മൂന്ന് കുട്ടികളാണ് പടക്കം പൊട്ടിക്കുന്നതിനിടെ ഉണ്ടായ അപകടത്തിൽ പരുക്കേറ്റ് ചികിത്സ തേടിയത്. കുന്ദലഹള്ളിയിലെ ശങ്കരാ കണ്ണാശുപത്രിയിൽ മൂന്ന് കേസുകൾ റിപ്പോർട്ട് ചെയ്തു. ശേഖർ ഐ ഹോസ്പിറ്റലിൽ രണ്ട് കേസുകൾ റിപ്പോർട്ട് ചെയ്തിട്ടുണ്ട്. നാരായണ നേത്രാലയയിൽ, മൂന്ന് കേസുകൾ റിപ്പോർട്ട് ചെയ്തു. കേസുകൾ ഇനിയും വർധിക്കാൻ സാധ്യതയുള്ളതായി മിന്റോ ആശുപത്രിയിലെ ഡോക്ടർമാർ പറഞ്ഞു.

കുട്ടികൾ പടക്കം പൊട്ടിക്കുമ്പോൾ മുതിർന്നവർ ഇക്കാര്യം ശ്രദ്ധിക്കണമെന്ന് ബിബിഎംപി നിർദേശിച്ചു. അടുത്ത മൂന്ന് ദിവസങ്ങളിൽ അവധി ആയതിനാൽ കൂടുതൽ കേസുകൾ റിപ്പോർട്ട്‌ ചെയ്യപ്പെടാൻ സാധ്യതയുണ്ടെന്നും, ഇക്കാരണത്താൽ എല്ലാവരും ജാഗ്രത പാലിക്കണമെന്നും ബിബിഎംപി ആരോഗ്യ വകുപ്പ് നിർദേശിച്ചു.

TAGS: BENGALURU | DEEPAVALI
SUMMARY: 11 kids injured in bursting Deepavali crackers