മുംബൈ: മഹാരാഷ്ട്രയിൽ പോലീസുമായുണ്ടായ ഏറ്റുമുട്ടലിൽ 12 മാവോയിസ്റ്റുകൾ കൊല്ലപ്പെട്ടു. ഗഡ്ചിരോളി ജില്ലയിലെ വനപ്രദേശത്താണ് സംഭവം. ഗഡ്ചിരോളിയിൽ മാവോയിസ്റ്റുകളെ നേരിടാനായി രൂപവത്കരിച്ച സി-60 എന്ന പ്രത്യേക പോലീസ് സംഘവുമായാണ് മാവോയിസ്റ്റുകൾ ഏറ്റുമുട്ടിയത്. രാവിലെ പത്തോടെയാണ് ഏറ്റുമുട്ടൽ ആരംഭിച്ചതെന്നാണ് വിവരം. ഒരു പോലീസ് ഉദ്യോഗസ്ഥനും പരുക്കേറ്റിട്ടുണ്ട്. ഇദ്ദേഹത്തെ ഉടന്‍തന്നെ സ്ഥലത്തുനിന്ന് മാറ്റുകയും പിന്നീട് വൈകീട്ട് നാലുമണിയോടെ വിദഗ്ധ ചികിത്സയ്ക്കായി എയര്‍ലിഫ്റ്റ് ചെയ്ത് ഗഡ്ചിരോളിയിലേക്ക് കൊണ്ടുപോകുകയും ചെയ്തു.
ഉച്ചയ്ക്ക് ശേഷം ശക്തമായ ഏറ്റുമുട്ടൽ ആറുമണിക്കൂറോളം നീണ്ടതായി മാധ്യമങ്ങൾ റിപ്പോർട്ട് ചെയ്തു. മൂന്ന് എകെ47 അടക്കം നിരവധി ആയുധങ്ങളും പിടിച്ചെടുത്തു. പ്രദേശത്ത് മാവോയിസ്റ്റുകള്‍ക്കായി ശക്തമായ തിരച്ചില്‍ തുടരുകയാണ്. സ്ഥിതിഗതികള്‍ സൂക്ഷ്മമായി നിരീക്ഷിക്കുകയാണെന്ന് ഉന്നത പോലീസ് അറിയിച്ചു.
<br>
TAGS : ENCOUNTER | MAHARASHTRA
SUMMARY : Encounter in Maharashtra; 12 Maoists killed; A police officer was injured in the encounter
