ബെംഗളൂരു: ആതുരരംഗത്തെ സേവന മികവിന് ആംഗ്ലോ ഇന്ത്യൻ യൂണിറ്റി സെന്റര് ഏര്പ്പെടുത്തിയ 25-ാമത് ഫ്ലോറൻസ് നൈറ്റിങ്ഗേൽ അവാർഡുകള് വിധാൻ സൗധയിലെ ബാങ്ക്വെറ്റ് ഹാളില് നടന്ന ചടങ്ങില് മന്ത്രി യു.ടി.ഖാദർ സമ്മാനിച്ചു. കെ.സീമ (താലൂക്ക് ആശുപത്രി, സിന്ധന്നൂർ), ഭാരതി മേഡിഗേരി (താലൂക്ക് ആശുപത്രി, അത്തനി), കെ.ഒ.ലീലാവതി (മണിപ്പാൽ ആശുപത്രി, ജയനഗർ), സിസ്റ്റർ ആലീസ് ഡിസൂസ (സ്നേഹാലയ ആശുപത്രി, സോലൂർ), താര മച്ചാഡൊ (ഫാദർ മുള്ളർ മെഡിക്കൽ കോളജ്, മംഗളൂരു), കെ.ലീനാ അസ്നാഥ് (ജിജിഎച്ച്, യാദ്ഗിർ), ജി.ശാരദാമ്മ (ജനറൽ ആശുപത്രി, കോലാർ), ബി.ചിത്രാവതി (ജില്ലാ ആശുപത്രി, രാമനഗര), നന്ദ പ്രകാശ് (ചെലുവമ്പ ആശുപത്രി, മൈസൂരു), കിരൺ എച്ച്.കുൽക്കർണി (എച്ച്സിജി, ഹുബ്ബള്ളി), ഡോ.എച്ച്.ബി.പ്രകാശ് (പ്രിൻസിപ്പൽ, ശ്രീദേവി നഴ്സിങ് കോളജ്, തുമക്കൂരു) എന്നി 12 പേര്ക്കാണ് അവാര്ഡുകള് നല്കിയത്.
ഓരോരുത്തര്ക്കും മൊമെൻ്റോയും 25000 രൂപയുമാണ് അവാർഡ്. ചടങ്ങിൽ ഓസ്ട്രേലിയൻ കോൺസുലേറ്റ് ഡപ്യൂട്ടി ജനറൽ സ്റ്റീവൻ കൊനോലി മുഖ്യാതിഥിയായി. അവാർഡ് സമിതി ചെയർമാൻ ഐവാൻ നിഗ്ലി അധ്യക്ഷത വഹിച്ചു. രാജീവ്ഗാന്ധി ആരോഗ്യ സർവകലാശാല സെനറ്റ് മെംബർ മെൽബിൻ മൈക്കിൾ അറക്കൽ, കർണാടക നഴ്സിങ് അസോസിയേഷൻ പ്രസിഡന്റ് ഡോ.എസ്.ശിവകുമാർ എന്നിവർ പങ്കെടുത്തു.
SUMMARY: Florence Nightingale Award presented
