ബെംഗളുരു: ഇന്ത്യാ പെന്തെക്കോസ്ത് ദൈവസഭ (ഐപിസി) ബെംഗളുരു സെന്റർ വൺ 20-മത് വാർഷിക കൺവൻഷൻ ഹൊറമാവ് അഗര ഐപിസി ഹെഡ്ക്വാർട്ടേഴ്സ് ഓഡിറ്റോറിയത്തിൽ സമാപിച്ചു. ലോകം പ്രതിസന്ധികൾക്ക് മുന്നിൽ പകച്ചു നിൽക്കുകയും അസാധ്യം എന്ന് വിധിയെഴുതുകയും ചെയ്യുന്നിടത്താണ് ദൈവത്തിൻ്റെ അത്ഭുതകരമായ സാധ്യതകൾ ആരംഭിക്കുന്നതെന്ന് സമാപന ദിന സംയുക്ത ആരാധനയിൽ
കർണാടക സ്റ്റേറ്റ് ഐപിസി പ്രസിഡൻ്റ് പാസ്റ്റർ ഡോ.വർഗ്ഗീസ് ഫിലിപ്പ് പ്രസ്താവിച്ചു.
പാസ്റ്റർ സജി ചക്കുംചിറ അധ്യക്ഷനായിരുന്നു. പാസ്റ്റർ ബി.മോനച്ചനും പ്രസംഗിച്ചു. തിരുവത്താഴ ശുശ്രൂഷയ്ക്ക് പാസ്റ്റർ.ഡോ.വർഗീസ് ഫിലിപ്പ് നേതൃത്വം നൽകി.
നാല് ദിവസമായി നടന്ന കൺവെൻഷനിൽ പാസ്റ്റർമാരായ കെ.കെ. മാത്യൂ നിലമ്പൂർ , ബിമോനച്ചൻ കായംകുളം , ഡോ. എബി പീറ്റർ കോട്ടയം എന്നിവർ പ്രസംഗിച്ചു . ക്രിസ്തീയ ഗായകൻ ബ്രദർ. റ്റിബിൻ തങ്കച്ചനൊടൊപ്പം ഡിസ്ട്രിക്റ്റ് ക്വയർ ഗാനശുശ്രൂഷ നിർവഹിച്ചു.
കൺവെൻഷനിൽ സുവിശേഷയോഗം, ഉപവാസ പ്രാർഥന, സോദരി സമാജം സമ്മേളനം , യുവജനങ്ങൾക്കായി പ്രത്യേക ഉണർവ് യോഗം,സൺഡെസ്കൂൾ പി.വൈ.പി.എ വാർഷിക സമ്മേളനം എന്നിവ നടത്തി. ബെംഗളുരു സെന്റർ വൺ ഐപിസി യുടെ കീഴിലുള്ള 23 പ്രാദേശിക സഭകളിലെ ശുശ്രൂഷകരും വിശ്വാസികളും സംയുക്ത ആരാധനയിലും തിരുവത്താഴ ശുശ്രൂഷയിലും പങ്കെടുത്തു.പാസ്റ്റർ ജോർജ് ഏബ്രഹാം ( ജനറൽ കൺവീനർ), പാസ്റ്റർ സജി ചക്കുംചിറ (സെൻ്റർ സെക്രട്ടറി), പാസ്റ്റർ സാബു ജോൺ ( പബ്ലിസിറ്റി കൺവീനർ) എന്നിവർ കൺവൻഷന് നേതൃത്വം നൽകി.
SUMMARY: The IPC Bengaluru Centre One Convention has concluded.
