തിരുവനന്തപുരം: മുൻ എക്സൈസ് കമ്മീഷണർ മഹിപാല് യാദവ് അന്തരിച്ചു. ബ്രെയിൻ ട്യൂമര് ബാധിച്ച് ചികിത്സയിലിരിക്കെ ആണ് മരണം സംഭവിച്ചത്. പോലീസ് ആസ്ഥാനത്ത് ഇന്ന് (ബുധനാഴ്ച) വിരമിക്കല് ചടങ്ങ് നടക്കാനിരിക്കേ രാജസ്ഥാനില് വെച്ചാണ് മരിച്ചത്. കേരള പോലീസ് ക്രൈംസ് എഡിജിപിയായിരുന്നു.
കേരള എക്സൈസ് കമ്മിഷണറായി രണ്ടുവര്ഷം സേവനമനുഷ്ഠിച്ച ശേഷം ഇക്കഴിഞ്ഞ ജൂലായിലാണ് ക്രൈംസ് എഡിജിപിയായി നിയമിച്ചത്. ഈ മാസം 30-നാണ് അദ്ദേഹം വിരമിക്കേണ്ടിയിരുന്നത്. 1997 ഐ.പി.എസ്. ബാച്ച് ഉദ്യോഗസ്ഥനാണ്.
എക്സൈസ് കമ്മിഷണര്, അതിര്ത്തി രക്ഷാ സേന (ബിഎസ്എഫ്) കേന്ദ്ര ഡെപ്യൂട്ടേഷനില് ഇന്സ്പെക്ടര് ജനറല് (ഐജി), എറണാകുളം റേഞ്ച് ഐ.ജി., കേരള ബിവറേജസ് കോര്പ്പറേഷന് എം.ഡി. എന്നീ നിലകളില് സേവനമനുഷ്ഠിച്ചിട്ടുണ്ട്. 2013-ലെ പ്രസിഡന്റിന്റെ വിശിഷ്ട സേവനത്തിനുള്ള പോലീസ് മെഡല് നേടിയിട്ടുണ്ട്.
SUMMARY: Former Excise Commissioner Mahipal Yadav passes away
WhatsApp
Telegram
