ബെംഗളൂരു: രേണുകസ്വാമി കൊലക്കേസ് പ്രതിയായ നടൻ ദർശൻ തോഗുദീപയുടെ ആയുധ ലൈസൻസ് താൽക്കാലികമായി റദ്ദാക്കി. ലൈസൻസ് റദ്ദാക്കുന്നത് സംബന്ധിച്ച് നേരത്തെ നടന് നോട്ടീസ് നൽകിയിരുന്നു. എന്നാൽ നടന്റെ ഭാഗത്ത് നിന്നും കൃത്യമായ മറുപടി ലഭിക്കാതിരുന്നതോടെ ലൈസൻസ് റദ്ദാക്കുകയായിരുന്നുവെന്ന് ബെംഗളൂരു പോലീസ് കമ്മീഷണർ ബി. ദയാനന്ദ പറഞ്ഞു.
ദർശൻ നിലവിൽ ജാമ്യത്തിലാണ്. ആഴ്ചകൾക്ക് മുമ്പ് മുമ്പ്, കൈവശമുള്ള തോക്ക് ആർ.ആർ. നഗർ പോലീസ് സ്റ്റേഷനിൽ സമർപ്പിക്കാൻ നടന് നോട്ടീസ് നൽകിയിരുന്നു. എന്നിരുന്നാലും, ഇതിനോട് നടൻ ഇതുവരെ പ്രതികരിച്ചിട്ടില്ലെന്നും ഇതുവരെ തോക്ക് നൽകിയിട്ടില്ലെന്നും പോലീസ് പറഞ്ഞു.
ഇതേതുടർന്നാണ് ആയുധലൈസൻസ് റദ്ദാക്കാനുള്ള നടപടികൾ പോലീസ് സ്വീകരിച്ചത്. ആയുധം കൈമാറണമെന്ന് ആവശ്യപ്പെട്ട് നേരത്തെ ഡെപ്യൂട്ടി പോലീസ് കമ്മീഷണറും (അഡ്മിനിസ്ട്രേഷൻ) നോട്ടീസ് അയച്ചിരുന്നു. രേണുകസ്വാമി കൊലക്കേസിൽ ദർശന് കർണാടക ഹൈക്കോടതി ജാമ്യം അനുവദിച്ചതിനെ തുടർന്നാണ് നോട്ടീസ് അയച്ചത്. പ്രതി ജാമ്യത്തിലിറങ്ങിയതിനാൽ തോക്ക് ഉപയോഗിച്ച് സാക്ഷികളെ ഭീഷണിപ്പെടുത്താൻ സാധ്യതയുണ്ടെന്നും, ഇക്കാരണത്താലാണ് നടപടിയെന്നും പോലീസ് വ്യക്തമാക്കി.
TAGS: BENGALURU | DARSHAN THOOGUDEEPA
SUMMARY: Armed, gun license of Actor Darshan temporarily cancelled
WhatsApp
Telegram
