ബെംഗളൂരു: കർണാടകയിലും മൺസൂൺ കാലവർഷം ശക്തി പ്രാപിക്കുന്നു. തീരദേശ ജില്ലകളായ ദക്ഷിണ കന്നഡ, ഉത്തര കന്നഡ, ഉടുപ്പി ജില്ലകളിൽ മൂന്ന് ദിവസത്തേക്ക് റെഡ് അലർട്ട് പ്രഖ്യാപിച്ചിട്ടുണ്ട്. സംസ്ഥാനത്തെ തീരദേശ ജില്ലകളിലും മലനാട് പ്രദേശങ്ങളിലും കനത്ത മഴയാണ് കഴിഞ്ഞ ദിവസങ്ങളിൽ ലഭിച്ചുകൊണ്ടിരിക്കുന്നത്. മഴയ്കൊപ്പം ഉരുൾപൊട്ടലും മണ്ണിടിച്ചലിനും സാധ്യത ഉള്ളതിനാൽ മുൻകരുതൽ നടപടികളുടെ ഭാഗമായാണ് അവധി പ്രഖ്യാപിച്ചിരിക്കുന്നത്.
കുടക്, ഉഡുപ്പി ജില്ലകള്, ദക്ഷിണ കന്നഡയിലെ മംഗളൂരു, ഉള്ളാല, ബണ്ട്വാള, മുൽക്കി, മൂടബിദിരെ എന്നീ അഞ്ച് താലൂക്കുകള്, ചിക്കമഗളൂരു ജില്ലയിലെ ചിക്കമഗളൂരു, മൂടിഗെരെ, ശൃംഗേരി, കൊപ്പ, എൻ.ആർ.പുര, കലസ ആറ് താലൂക്കുകൾ എന്നിവിടങ്ങളിലാണ് നാളെ (ജൂണ് 16) അവധി പ്രഖ്യാപിച്ചത്. അംഗനവാടി,സ്കൂള്, കോളേജുകള് അടക്കമുള്ള എല്ലാ വിദ്യാഭ്യാസസ്ഥാപനങ്ങള്ക്കും അവധി ബാധകമാണ്.
SUMMARY: Heavy rains in Karnataka; Holiday for educational institutions in four districts tomorrow
WhatsApp
Telegram
