ബാഗിനുള്ളിൽ ഗ്രനേഡ് സൂക്ഷിച്ചു; ഹോട്ടൽ ജീവനക്കാരൻ പിടിയിൽ

ബെംഗളൂരു: ബാഗിനുള്ളിൽ ഗ്രനേഡ് സൂക്ഷിച്ച ഹോട്ടൽ ജീവനക്കാരൻ പിടിയിൽ. സാമ്പിഗെഹള്ളിയിലെ സ്വകാര്യ ഹോട്ടലിലാണ് സംഭവം. ബെല്ലഹള്ളി സ്വദേശി അബ്ദുൾ റെഹ്മാൻ (23) ആണ് അറസ്റ്റിലായത്. പതിവ് പരിശോധനയ്ക്കിടെ ഹോട്ടലിലെ മറ്റ്‌ ജീവനക്കാർ ബാഗിനുള്ളിൽ ഗ്രനേഡ് കണ്ടെത്തുകയായിരുന്നു. ഉടൻ പോലീസിനെ വിവരമറിയിച്ചു.

ഒരാഴ്ച മുമ്പാണ് റെഹ്മാൻ ഹോട്ടലിൽ ജോലിക്ക് കയറിയത്. പലതവണ റെഹ്മാനോട്‌ ആധാർ കാർഡ് ചോദിച്ചിട്ടും ഇയാൾ നൽകിയിരുന്നില്ല. ഇതേതുടർന്ന് സംശയം തോന്നിയ ജീവനക്കാർ ബാഗ് പരിശോധിക്കുകയായിരുന്നു. റോഡിൽ ഗ്രനേഡ് കണ്ടെത്തിയതായും അത് പിന്നീട് ബാഗിൽ സൂക്ഷിച്ചതായും റെഹ്മാൻ വെളിപ്പെടുത്തിയതായി പോലീസ് പറഞ്ഞു. സംഭവത്തിൽ അന്വേഷണം പുരോഗമിക്കുകയാണെന്ന് സമ്പിഗെഹള്ളി പോലീസ് പറഞ്ഞു.

TAGS: BENGALURU | ARREST
SUMMARY: Hotel worker arrested for keeping granede in bag