ന്യൂഡൽഹി: മറ്റു രാജ്യങ്ങളിലേക്ക് ഫ്രഞ്ച് വിമാനത്താവളങ്ങൾ വഴി യാത്രചെയ്യുന്ന ഇന്ത്യൻ പൗരന്മാർക്ക് ഇനി ട്രാൻസിറ്റ് വിസ വേണ്ട. ഏപ്രിൽ 10 മുതൽ മുൻകൂർ പ്രാബല്യത്തോടെയാണിത്. ഫെബ്രുവരിയിൽ പ്രധാനമന്ത്രി നരേന്ദ്രമോദിയും ഫ്രഞ്ച് പ്രധാനമന്ത്രി ഇമ്മാനുവൽ മാക്രോണും മുംബയിൽ നടത്തിയ കൂടിക്കാഴ്ചയിൽ ഇതുസംബന്ധിച്ച് ധാരണയിലെത്തിയിരുന്നു. മറ്റു രാജ്യങ്ങളിലേക്കുള്ള യാത്രാമദ്ധ്യേ ഫ്രഞ്ച് വിമാനത്താവളങ്ങളിലെ അന്താരാഷ്ട്ര മേഖലയിൽ പ്രവേശിക്കാൻ ഇന്ത്യക്കാർക്ക് സാധാരണ പാസ്പോർട്ട് മതിയാകും.
ഫ്രഞ്ച് വിമാനത്താവളങ്ങള് ട്രാന്സിറ്റ് ഹബ്ബുകളായി ഉപയോഗിക്കുന്ന ഇന്ത്യന് യാത്രക്കാരുടെ യാത്ര കൂടുതല് സുഗമമാക്കുക എന്ന ലക്ഷ്യത്തോടെയാണ് ഈ മാറ്റം. വിദേശ പൗരന്മാര് ഫ്രാന്സിലേക്ക് പ്രവേശിക്കുന്നത് സംബന്ധിച്ച മുന്കാല വിസ നിയമങ്ങളില് ഭേദഗതി വരുത്തിക്കൊണ്ടാണ് പുതിയ ഉത്തരവ്. ഫ്രാന്സിന്റെ തീരുമാനം ഇന്ത്യ സ്വാഗതം ചെയ്തു.
WhatsApp
Telegram
