ബെംഗളൂരു: കേരളസമാജം കെ ആര്‍ പുരം സോണിന്റെയും വിജിനപുര ലയണ്‍സ് ക്ലബ്ബിന്റെയും സംയുക്ത ആഭിമുഖ്യത്തില്‍ സൗജന്യ ജനറല്‍ മെഡിക്കല്‍ – ഹൃദ്രോഗ പരിശോധന ക്യാമ്പ് നടത്തി.കേരളസമാജം ജനറല്‍ സെക്രട്ടറി റജികുമാര്‍ ക്യാമ്പ് ഉദ്ഘാടനം ചെയ്തു. കേരളസമാജം കെ ആര്‍ പുരം സോണ്‍ ചെയര്‍മാന്‍ എം ഹനീഫ് അധ്യക്ഷത വഹിച്ചു. ഇന്‍ഫെന്ററി റോഡിലുള്ള സ്പര്‍ശ് ആസ്പത്രിയുടെ സഹകരണത്തോടെയാണ് ക്യാമ്പ് നടത്തിയത്.
സ്പര്‍ശ് ആസ്പത്രി ഹൃദരോഗ വിദഗ്ധ ഡോ. ആയിഷ ക്യാമ്പിന് നേതൃത്വം നല്‍കി.
വിജിനപുര ലയണ്‍സ് ക്ലബ്ബ് സെക്രട്ടറി സുനില്‍ കുമാര്‍, ട്രഷറര്‍ ഷിബു കെ എസ്, ഉമാശങ്കര്‍, കേരളസമാജം കെ ആര്‍ പുരം സോണ്‍ കണ്‍വീനര്‍ ബിനു പി, സയ്യിദ് മസ്താന്‍, ശിവദാസ്, വിനീത്, മഞ്ജുനാഥ്, വനിതാ വിഭാഗം ചെയര്‍പേഴ്‌സണ്‍ ആയിഷ ഹനീഫ്, കണ്‍വീനര്‍ രഞ്ജിത, അംബിക, തുടങ്ങിയവര്‍ പങ്കെടുത്തു. രക്തസമ്മര്‍ദ്ദം, പ്രമേഹം, ഇസിജി എന്നീ പരിശോധനകളും സൗജന്യമായി നടത്തി. നൂറിലധികം പേര്‍ ക്യാമ്പില്‍ പങ്കെടുത്തു.
<br>
TAGS : KERALA SAMAJAM
WhatsApp
Telegram
