കേരളത്തിൽ സ്വർണവില പുതിയ റെക്കോഡില്‍. ഗ്രാമിന് 80 രൂപ വർധിച്ച്‌ 6840 രൂപയായി വില ഉയർന്നു. പവന് 640 രൂപയുടെ വർധനയാണ് രേഖപ്പെടുത്തിയത്. ഇതോടെ ഒരു പവൻ സ്വർണത്തിന്റെ വില 54720 രൂപയായി ഉയർന്ന് റെക്കോഡിട്ടു.
18 കാരറ്റ് സ്വർണ്ണത്തിന്റെ വില 70 രൂപ ഗ്രാമിന് വർധിച്ച്‌ 5700 രൂപയായി. വെള്ളിയുടെ വില കഴിഞ്ഞ നാല് വർഷത്തെ ഉയർന്ന നിരക്കിലാണ്. റഷ്യ-യുക്രെയ്ൻ യുദ്ധവും മിഡില്‍ ഈസ്റ്റിലെ സംഘർഷവും ഇപ്പോഴും നിലനില്‍ക്കുന്നുണ്ട്. ഇതിനാല്‍ സ്വർണ്ണത്തെ പലരും സുരക്ഷിതനിക്ഷേപമായി കാണുന്നുണ്ട്. ഇതാണ് വില ഉയരുന്നതിനുള്ള പ്രധാനകാരണം.
