കെഎൻഎസ്എസ് കലോത്സവം ഗ്രാൻഡ് ഫിനാലെ നാളെ

ബെംഗളൂരു : കെഎൻഎസ്എസ് സംസ്ഥാന കലോത്സവം ഗ്രാൻഡ് ഫിനാലെ നാളെ രാവിലെ 10 മുതൽ വയലിക്കാവൽ ഗായത്രി ദേവി പാർക് എക്സ്ടെൻഷനിൽ ഉള്ള തെലുഗു വിജ്ഞാന സമിതി ഹാളിൽ നടക്കും. ഗ്രാൻഡ് ഫിനാലെയുടെ  ഉദ്‌ഘാടനം ചെയർമാൻ രാമചന്ദ്രൻ പാലേരി നിർവഹിക്കും. സിനിമ താരം അഞ്ജു അരവിന്ദ് മുഖ്യാതിഥി ആയിരിക്കും. ജനറൽ സെക്രട്ടറി ആർ മനോഹര കുറുപ്പ്, ഖജാൻജി മുരളീധർ നായർ, എംഎംഇടി പ്രസിഡണ്ട് ആർ മോഹൻദാസ്, സെക്രട്ടറി എൻ കേശവപിള്ള, ഖജാൻജി ബി സതീഷ്‌കുമാർ, മഹിളാ വിഭാഗം കോർ കമ്മിറ്റി കൺവീനർ രാജലക്ഷ്മി നായർ കലോത്സവം കൺവീനർമാരായ ഡോ. മോഹനചന്ദ്രൻ, സി വേണുഗോപാലൻ എന്നിവർ പങ്കെടുക്കും.

ജൂൺ മാസത്തിലെ നാലു ഞായറാഴ്ച്ചകളിലായി 17 വേദികളിൽ 1475 മത്സരാർത്ഥികൾ പങ്കെടുത്ത സംസ്ഥാന കലോത്സവത്തിൽ വിജയികളായവർക്ക് ഉള്ള സമ്മാനദാനത്തോടൊപ്പം ഏറ്റവും കൂടുതൽ പോയിന്റ് നേടിയ കരയോഗത്തിനുള്ള എവർ റോളിംഗ് ട്രോഫി, കലാ തിലകം, കലാ പ്രതിഭ പുരസ്കാരങ്ങളും വിതരണം ചെയ്യുന്നതാണ്. സമ്മാനാർഹമായ പരിപാടികളിൽ തിരഞ്ഞെടുക്കപ്പെട്ട പ്രോഗ്രാമുകളുടെ അവതരണവും വേദിയിൽ ഉണ്ടായിരിക്കുമെന്ന് കൺവീനർ ഡോ. മോഹനചന്ദ്രൻ അറിയിച്ചു.
<BR>
TAGS : KNSS
SUMMARY: KNSS Arts Festival grand finale tomorrow