കെഎൻഎസ്എസ്-ജിഎൻഎസ്എസ് കോൺക്ലേവ്

ബെംഗളൂരു: കർണാടക നായർ സർവീസ് സൊസൈറ്റിയും ഗ്ലോബൽ നായർ സേവ സമാജവും ചേർന്ന് നടത്തിയ ബോർഡ് അംഗങ്ങളുടെ കോൺക്ലേവ് ബെംഗളൂരു ബിഇഎൽ റോഡിലെ ദി ഗ്രീൻ പാത് ഇകോ ഹോട്ടലിൽ വെച്ച് നടന്നു. ജിഎൻഎസ്എസ് ചെയർമാൻ സോമശേഖരൻ നായരും കെഎൻഎസ്എസ് ചെയർമാൻ ആർ മനോഹര കുറുപ്പും ചേർന്ന് ഭദ്രദീപം കൊളുത്തി ഉദ്ഘാടനം ചെയ്തു.

ജിഎൻഎസ്എസ് ജനറൽ സെക്രട്ടറി ഉദയഭാനു, മുന്‍ ചെയർമാൻ ഉദയ് കുമാർ, കെഎൻഎസ്എസ് ജനറൽ സെക്രട്ടറി ടി വി നാരായണൻ, എംഎംഇസിടി സ്കൂൾ സെക്രട്ടറി മുരളീധർ നായർ, ബെനവലൻ്റ് ഫണ്ട് പ്രസിഡൻ്റ് ശശിധരൻ നായർ, കേരളം, തമിഴ്നാട്, തെലങ്കാന, ഡൽഹി, മധ്യപ്രദേശ് ജിഎൻഎസ്എസ് ഭാരവാഹികൾ തുടങ്ങിവര്‍ സംസാരിച്ചു.
<br>
TAGS : KNSS