ബെംഗളൂരു: മാണ്ഡ്യ വിവി നഗറിലുണ്ടായ ബൈക്കപകടത്തില്
മലയാളി നഴ്സിങ് വിദ്യാര്ഥി മരിച്ചു. കക്കയം പൂവത്തിങ്കല് ബിജു- ജിന്സി ദമ്പതികളുടെ മകന് ജോയല് മാത്യു(21) ആണ് മരിച്ചത്. ആദിചുഞ്ചനഗിരി മെഡിക്കല് കോളജ് രണ്ടാം വര്ഷ നഴ്സിങ് വിദ്യാര്ഥിയാണ്.
ശനിയാഴ്ച രാത്രി ഹോസ്റ്റലിനടുത്തുള്ള കടയില് ഭക്ഷണം കഴിക്കാന് സുഹൃത്തുക്കള്ക്കൊപ്പം സഞ്ചരിക്കുമ്പോള് എതിര്ദിശയില് നിന്നു വന്ന ഓട്ടോറിക്ഷ ബൈക്കിലിടിക്കുകയായിരുന്നു. അപകടത്തില് 2 പേര്ക്ക് പരുക്കേറ്റു. ഇവര് ചികിത്സയിലാണ്. ജോയലിന്റെ സംസ്കാരം ഇന്ന് 9.30ന് കക്കയം സെന്റ് സെബാസ്റ്റ്യന്സ് പള്ളിയില്. സഹോദരന്: അലന്(ഷാര്ജ).
SUMMARY: Bike accident, malayali student dies
