ആലപ്പുഴ അമ്പലപ്പുഴയില് കെഎസ്ആർടിസി ബസ് നിയന്ത്രണം വിട്ട് അപകടം. ആക്സില് ഒടിഞ്ഞതിനെ തുടർന്ന് നിയന്ത്രണം വിട്ട കെഎസ്ആർടിസി ബസ് പാഞ്ഞു കയറി മൂന്ന് വിദ്യാർഥികള്ക്ക് പരുക്കേറ്റു. അമ്പലപ്പുഴ – തിരുവല്ല സംസ്ഥാനപാതയില് നെടുമ്പ്രം ചന്തയ്ക്ക് സമീപം ഇന്ന് രാവിലെ ഒമ്പത് മണിയോടെ ആയിരുന്നു സംഭവം.
നിയന്ത്രണം വിട്ട ബസ് സൈക്കിളില് സഞ്ചരിക്കുകയായിരുന്ന വിദ്യാർഥികള്ക്കുമേല് പാഞ്ഞു കയറുകയായിരുന്നു. അപകടത്തില് നെടുമ്പ്രം വിജയ വിലാസം വീട്ടില് കാർത്തിക്ക് (14), നെടുമ്പ്രം കുറ്റൂർ വീട്ടില് ദേവജിത്ത് സന്തോഷ് (15 ), നെടുമ്പ്രം മാന്തു വാതില് വീട്ടില് ആശിഷ് (14) എന്നിവർക്കാണ് പരുക്കേറ്റത്. മൂവരെയും തിരുവല്ലയിലെ സ്വകാര്യ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
TAGS : KSRTC
SUMMARY : KSRTC bus loses control and speeds away; three students on bicycles injured
