കെ.പി.എസ്.സി – പിഡിഒ പരീക്ഷകൾ; മെട്രോ സർവീസ് സമയത്തിൽ മാറ്റം

ബെംഗളൂരു: കെ.പി.എസ്‌.സി. – പഞ്ചായത്ത് ഡെവലപ്‌മെൻ്റ് ഓഫീസർ (പിഡിഒ) പരീക്ഷകൾ നടക്കുന്നതിന്റെ പശ്ചാത്തലത്തിൽ ഡിസംബർ എട്ടിന് മെട്രോ ട്രെയിൻ സർവീസ് സമയത്തിൽ മാറ്റമുണ്ടായിരിക്കുമെന്ന് ബിഎംആർസിഎൽ അറിയിച്ചു. രാവിലെ 7 മണിക്ക് പകരം 5.30ന് ട്രെയിൻ സർവീസ് ആരംഭിക്കും.

ആദ്യ ട്രെയിൻ സർവീസ് പുലർച്ചെ 5.30ന് മാധവാര, സിൽക്ക് ഇൻസ്റ്റിറ്റ്യൂട്ട്, ചള്ളഘട്ട, വൈറ്റ്ഫീൽഡ്, മജസ്റ്റിക് എന്നിവിടങ്ങളിൽ നിന്നും ആരംഭിക്കും. രാവിലെ 5.30നും 7നും ഇടയിൽ, ഓരോ 30 മിനിറ്റിലും സർവീസ് ഉണ്ടാകും. എന്നാൽ 7 മണിക്ക് ശേഷം പുറപ്പെടുന്ന ട്രെയിനുകൾ പതിവ് ഷെഡ്യൂൾ അനുസരിച്ച് പ്രവർത്തിക്കുമെന്ന് ബിഎംആർസിഎൽ അറിയിച്ചു.

TAGS: BENGALURU | NAMMA METRO
SUMMARY: Metro train service to start at 5.30 am this Sunday