ബെംഗളൂരു: ബെംഗളൂരുവിൽ ആറു വയസുകാരിയെ പീഡിപ്പിച്ച് കൊലപ്പെടുത്തിയ സംഭവത്തിൽ ഒരാൾ പിടിയിൽ. രാമമൂർത്തി നഗറിലെ ഹൊയ്സാല നഗറിൽ തിങ്കളാഴ്ച രാത്രിയാണ് സംഭവം. ബീഹാർ സ്വദേശിയും നഗരത്തിൽ സെക്യൂരിറ്റി ഗാർഡുമായ അഭിഷേക് കുമാർ ആണ് പിടിയിലായത്.
പ്രതി ജോലി ചെയ്തിരുന്ന അപാർട്ട്മെന്റിനു സമീപം കളിക്കുകയായിരുന്ന കുട്ടിയെ മിഠായി നൽകാമെന്ന് പറഞ്ഞാണ് അഭിഷേക് കൂട്ടിക്കൊണ്ടുപോയത്. ആളൊഴിഞ്ഞ സ്ഥലത്തെത്തിയ ശേഷം കുട്ടിയെ പീഡിപ്പിക്കുകയും പിന്നീട് ശ്വാസം മുട്ടിച്ചു കൊലപ്പെടുത്തുകയുമായിരുന്നു.
കുട്ടിയുടെ രക്ഷിതാക്കളുടെ പരാതിയിൽ പോലീസ് നടത്തിയ അന്വേഷണത്തിലാണ് പ്രതി പിടിയിലാകുന്നത്. അഭിഷേക് മുമ്പും സമാനമായ കുറ്റകൃത്യങ്ങളിൽ ഉൾപ്പെട്ടിട്ടുണ്ടെന്നും, കൂടുതൽ വിവരങ്ങൾ ശേഖരിച്ചുവരികയാണെന്നും പോലീസ് പറഞ്ഞു.
TAGS: BENGALURU | MURDER
SUMMARY: Bihar native arrested for rape and murder of 6-year-old
