റോഡ് നവീകരണം; പീനിയ റോഡിൽ ഗതാഗതം ഭാഗികമായി നിയന്ത്രിക്കും

ബെംഗളൂരു: റോഡ് നവീകരണ പ്രവൃത്തികൾ നടക്കുന്നതിനാൽ 100 ഫീറ്റ് റോഡിലെ പീനിയ ഇൻഡസ്ട്രിയൽ അസോസിയേഷൻ ജംഗ്ഷനും ജാലഹള്ളി ക്രോസ് ജംഗ്ഷനുമിടയിൽ ഗതാഗതം നിയന്ത്രിക്കുമെന്ന് ട്രാഫിക് പോലീസ് അറിയിച്ചു. ഇതുവഴി വരുന്ന എല്ലാ വാഹനങ്ങളും പീനിയ ഇൻഡസ്ട്രിയൽ അസോസിയേഷൻ ജംഗ്ഷനിലെ റോഡിന്റെ മറുവശം ഉപയോഗിക്കണം. ഈ ഭാഗത്ത് ഇരുവശങ്ങളിലേക്കും ഗതാഗതം അനുവദിക്കും.

പീനിയ 100 ഫീറ്റ് റോഡിൽ നിന്ന് വരുന്ന എല്ലാ ചരക്ക് വാഹനങ്ങളും ടിവിഎസ് ക്രോസ് ജംഗ്ഷനിൽ വലത്തോട്ട് തിരിഞ്ഞ് പീനിയ പോലീസ് സ്റ്റേഷൻ റോഡിലേക്ക് പോകുകയും തുമകുരു റോഡിൽ ചേരുകയും വേണം. പീനിയ പോലീസ് സ്റ്റേഷൻ റോഡ്, പീനിയ 100 ഫീറ്റ് റോഡ് (ജലഹള്ളി ക്രോസ് മുതൽ ടിവിഎസ് ക്രോസ് വരെ റോഡിന്റെ ഇരുവശങ്ങളും), പീനിയ ഒന്നാം ക്രോസ് റോഡ് എന്നിവിടങ്ങളിൽ പാർക്കിംഗ് നിരോധിക്കും.

TAGS: BENGALURU | TRAFFIC RESTRICTED
SUMMARY: Part of peenya to br closed for traffic