കണ്ണില്ലാത്ത ക്രൂരത; കൊച്ചിയില്‍ നായക്കുട്ടിയുടെ മുഖത്തേക്ക് രാസലായനി ഒഴിച്ചു, കാഴ്ച നഷ്ടപ്പെട്ടു

കൊച്ചി: പുത്തൻ കുരിശില്‍ മൂന്നു മാസം പ്രായമുള്ള നായക്കുട്ടിയുടെ മുഖത്ത് കെമിക്കല്‍ ലായനി ഒഴിച്ചതായി പരാതി. നായയുടെ കാഴ്ച നഷ്ടപ്പെട്ടു. ആന്തരിക അവയവങ്ങള്‍ക്ക് പൊള്ളലേറ്റു. പുത്തൻ കുരിശ് സ്വദേശി നയനയുടെ വളർത്തു നായക്കാണ് ഗുരുതര പരുക്കേറ്റത്.

നയനയും കുടുംബവും പുറത്ത് പോയ സമയത്ത് കൂട്ടിലുണ്ടായിരുന്ന നായയുടെ ദേഹത്തേക്കാണ് രാസ ലായനി ഒഴിച്ചത്. അവശനായ നായക്കുട്ടിയെയാണ് തിരിച്ചെത്തിയ വീട്ടുകാര്‍ കണ്ടത്. തുടര്‍ന്ന് ആശുപത്രിയിലെത്തിച്ചപ്പോഴാണ് രാസലായനിയാണ് ദേഹത്തേക്ക് ഒഴിച്ചതെന്ന് മനസിലായത്. പുത്തൻ കുരിശ് പോലീസില്‍ പരാതി നല്‍കി. സംഭവത്തില്‍ അന്വേഷണം നടക്കുകയാണെന്ന് പോലീസ് പറഞ്ഞു.

SUMMARY: In Kochi, a puppy lost its sight after a chemical solution was poured on its face.