ന്യൂഡൽഹി: അമിത് ഷായ്ക്കെതിരേ അപകീർത്തി പരാമർശം നടത്തിയ കേസില്‍ പ്രതിപക്ഷ നേതാവ് രാഹുല്‍ ഗാന്ധിക്ക് ജാമ്യം. ജാർഖണ്ഡിലെ ജനപ്രതിനിധികള്‍ക്കായുള്ള കോടതിയാണ് ഉപാധികളോടെ ജാമ്യം അനുവദിച്ചിരിക്കുന്നത്. 2018 ലാണ് കേസിന് ആസ്പദമായ സംഭവം. കൊലക്കേസ് ഉള്ളവർക്കും ബിജെപി പ്രസിഡന്‍റാകാം എന്നായിരുന്നു പരാമർശം.
ഇത് ബിജെപി പ്രവർത്തകരെ അപമാനിക്കുന്നതാണെന്ന് ചൂണ്ടിക്കാട്ടി പ്രതാപ് കാട്ടിയാർ എന്ന വ്യക്തിയാണ് രാഹുലിനെതിരേ കോടതിയെ സമീപിച്ചത്. ഹൈക്കോടതി നിർദേശമനുസരിച്ചാണ് രാഹുല്‍ ചൈബാസയിലെ ജനപ്രതിനിധികള്‍ക്കായുള്ള കോടതിയില്‍ ഹാജരായത്. റാഞ്ചിയില്‍ രജിസ്റ്റർ ചെയ്ത കേസ് 2021ലാണ് ചൈബാസയിലേക്ക് മാറ്റിയത്.
SUMMARY: Rahul Gandhi granted bail for defamatory remarks against Amit Shah
WhatsApp
Telegram
