ബെംഗളൂരു: ഇഫ്താര് സംഗമങ്ങള് ചിട്ടവട്ടങ്ങള്ക്കപ്പുറം അതിരുവിടുന്നതാവരുതെന്നും ഇത്തരം ഒത്തുചേരലുകള് സ്നേഹക്കൂട്ടായ്മകളാവണമെന്നും ബിഡിഎ ചെയര്മാനും ശാന്തിനഗര് എം എല് എയുമായ എന്. എ ഹാരിസ് പറഞ്ഞു. വ്രത കാലം മനുഷ്യര്ക്കിടയില് നന്മകള് നിറക്കുന്ന കാലമാണ്. ഉള്ളവനും ഇല്ലാത്തവനുമെന്ന വ്യത്യാസമില്ലാതെ എല്ലാവരേയും ഒന്നിച്ചിരുത്താനും ഒരുമിച്ചുണ്ണാനും വ്രതം പ്രാപ്തമാക്കുന്നുവെന്നും അദ്ദേഹം പറഞ്ഞു. മലബാര് മുസ്ലിം അസോസിയേഷന് നീലസാന്ദ്ര ബ്രാഞ്ച് കമ്മിറ്റി സംഘടിപ്പിച്ച റിലീഫ് കിറ്റ് വിതരണവും ഇഫ്താര് സംഗവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മഹല്ല് ഖത്തീബ് ഹാഷിര് ഫൈസി ഇര്ഫാനി മുഖ്യപ്രഭാഷണം നടത്തി. ബ്രാഞ്ച് കോര്ഡിനേറ്ററും സെന്ട്രല് കമ്മിറ്റി അംഗവുമായ ഈസ ടി.ടി.കെ അധ്യക്ഷത വഹിച്ചു. എം.എം.എ ജനറല് സെക്രട്ടറി ടി.സി. സിറാജ്, ട്രഷറര് കെ.എച്ച് ഫാറൂഖ്, അഡ്വ. പി. ഉസ്മാന്, തന്വീര് മുഹമ്മദ് കെ. സി. അബ്ദുല് ഖാദര് പി.എം. അബ്ദുല് ലത്തീഫ് ഹാജി, ശംസുദ്ധീന് കൂടാളി, സുബൈര് കായക്കൊടി, ടി. നാസര്, അയാസ്, മൂസ്സഹാജി വൈകിംഗ്, അസ്ഗര്, നൗഷാദ് അലയാട്ട്, സിറാജ് കൊല്ലത്തി തുടങ്ങിയവര് പ്രസംഗിച്ചു. മുനീര് ആബൂസ് സ്വാഗതവും അശ്റഫ് സാഗര് നന്ദിയും പറഞ്ഞു.
SUMMARY: Relief kit distribution and Iftar gathering organized by the Malabar Muslim Association Neelasandra Branch Committee
