തിരുവനന്തപുരം: നിയമസഭയില് ഇന്നും പ്രതിഷേധവുമായി പ്രതിപക്ഷം. ശബരിമല വിഷയം ഉയർത്തിയാണ് ഇന്നും പ്രതിപക്ഷം പ്രതിഷേധിക്കുന്നത്. ദേവസ്വം മന്ത്രി രാജിവെക്കുന്നതുവരെയും ദേവസ്വം ബോർഡ് അംഗങ്ങളെ പുറത്താക്കുന്നതുവരെയും സഭാ നടപടികളുമായി സഹകരിക്കില്ലെന്നാണ് പ്രതിപക്ഷത്തിന്റെ നിലപാട്.
പ്രതിപക്ഷ നേതാവ് വി.ഡി സതീശനാണ് ഇക്കാര്യം അറിയിച്ചത്. പ്രതിഷേധങ്ങള്ക്കിടെ ചോദ്യോത്തര വേളയ്ക്ക് തടസ്സം സൃഷ്ടിച്ചുകൊണ്ട് പ്രതിപക്ഷം ബഹളം വെച്ചു. വിഷയം ചർച്ച ചെയ്യണമെങ്കില് നോട്ടീസ് നല്കണമെന്ന് സ്പീക്കർക്ക് വേണ്ടി എം.ബി രാജേഷ് ആവശ്യപ്പെട്ടു. തുടർന്ന്, പ്രതിപക്ഷത്തിന്റെ തുടർച്ചയായ പ്രതിഷേധത്തില് സ്പീക്കർ ക്ഷുഭിതനായി.
ഇന്നലെ സഭയുടെ ഗാലറിയില് വിദ്യാർഥികള് നിറഞ്ഞിരിക്കുമ്പോഴാണ് പ്രതിഷേധം നടന്നതെന്ന് അദ്ദേഹം ചൂണ്ടിക്കാട്ടി. സ്പീക്കറുടെ മുഖം മറച്ചുകൊണ്ടുള്ള പ്രതിഷേധ രീതിയെ അദ്ദേഹം വിമർശിച്ചു. “ഇതാണോ കുട്ടികള് കണ്ട് പഠിക്കേണ്ടത്? ഇത് ജനാധിപത്യത്തിന് ഭൂഷണമല്ല” എന്നും സ്പീക്കർ പറഞ്ഞു.
SUMMARY: Sabarimala gold loot; Opposition protests in the Assembly today
WhatsApp
Telegram
