ബേണ്: പുതുവത്സര ആഘോഷത്തിനിടെ സ്വിറ്റ്സർലൻഡിലെ ബാറില് നടന്ന സ്ഫോടനത്തില് കൊല്ലപ്പെട്ടവരുടെ എണ്ണം 47 ആയി. 100 ലധികം പേർക്ക് പരുക്കേല്ക്കുകയും ചെയ്തതായി സ്വിസ് പോലീസ് പറഞ്ഞു. ആക്രമണത്തിനോ തീവ്രവാദ ആക്രമണത്തിനോ ഉള്ള സാധ്യതയും പോലീസ് തള്ളിക്കളഞ്ഞു. രാജ്യം അഞ്ച് ദിവസത്തെ ദേശീയ ദുഃഖാചരണം ആചരിക്കുകയാണ്.
സംഭവം നടന്ന ബാർ, ക്രാൻസ്-മൊണ്ടാന പട്ടണത്തില് സ്ഥിതി ചെയ്യുന്ന ഒരു ആഡംബര ലെ കോണ്സ്റ്റെലേഷൻ ബാർ ലോഞ്ച് ആണ്. ഈ സംഭവത്തെ തീവ്രവാദ ആക്രമണമായിട്ടല്ല, തീപിടിത്തമായാണ് കണക്കാക്കുന്നതെന്ന് സ്വിസ് അധികൃതർ അറിയിച്ചു. ബാറിന്റെ ബേസ്മെന്റിലാണ് സ്ഫോടനം ഉണ്ടായത്. സ്ഫോടനം നടക്കുമ്ബോള് 150-ലധികം പേർ ബാറിനുള്ളില് ഉണ്ടായിരുന്നു.
അസാധാരണമായ വരണ്ട കാലാവസ്ഥയില് സ്വിറ്റ്സർലൻഡ് കാട്ടുതീയുമായി പോരാടുന്നതിനിടെയാണ് സംഭവം. അപകടത്തില്പെട്ടവരെ എത്രയും വേഗം തിരിച്ചറിയാനും അവരുടെ മൃതദേഹങ്ങള് അവരുടെ കുടുംബങ്ങള്ക്ക് വിട്ടുകൊടുക്കാനുമുള്ള ശ്രമങ്ങള് പുരോഗമിക്കുകയാണ്.
SUMMARY: Switzerland bar explosion: Death toll rises to 47
WhatsApp
Telegram
