അഹമ്മദാബാദ്: ട്വന്റി ട്വന്റി ലോകകപ്പ് ഫൈനലില് ന്യൂസിലാന്ഡിന് ടോസ്. കിവീസ് നായകന് മിച്ചല് സാന്റ്നര് ഇന്ത്യയെ ബാറ്റിംഗിന് അയച്ചു. ഇന്ത്യ തകർപ്പൻ തുടക്കമാണ് കാഴ്ചവെച്ചത്. നാലോവറിൽ ടീം സ്കോർ 50 കടന്നു. വിക്കറ്റ് നഷ്ടമില്ലാതെ 51 റൺസാണ് ഇന്ത്യ എടുത്തത്. മലയാളി താരം സഞ്ജു സാംസണും അഭിഷേക് ശർമയും ചേർന്നാണ് മികച്ച തുടക്കം നൽകിയത്. സഞ്ജു 24 റൺസും അഭിഷേക് 23 റൺസും എടുത്തിട്ടുണ്ട്.
ലോകകപ്പിന് തൊട്ട് മുമ്പ് ഇരുടീമുകളും അഞ്ച് മത്സര പരമ്പരയില് ഏറ്റുമുട്ടിയിരുന്നു. അതുകൊണ്ട് തന്നെ പരസ്പരം ശക്തി ദൗര്ബല്യങ്ങള് ഇരു സംഘങ്ങള്ക്കും കൈരേഖ പോലെ വ്യക്തം. സെമി ഫൈനലിന് കളത്തിലിറക്കിയ അതേ ടീമുമായിട്ടാണ് ഇന്ത്യ കലാശപ്പോരിനിറങ്ങുന്നത്. ന്യൂസിലാന്ഡ് ആകട്ടെ സെമിയില് വിജയിച്ച ടീമില് നിന്ന് ഒരു മാറ്റം വരുത്തിയിട്ടുണ്ട്.
◼️ ഇന്ത്യന് ടീം: അഭിഷേക് ശര്മ്മ, സഞ്ജു സാംസണ് (വിക്കറ്റ് കീപ്പര്), ഇഷാന് കിഷന്, സൂര്യകുമാര് യാദവ് (ക്യാപ്റ്റന്), തിലക് വര്മ്മ, ഹാര്ദിക് പാണ്ഡ്യ, ശിവം ദൂബെ, അക്സര് പട്ടേല്, അര്ഷ്ദീപ് സിംഗ്, വരുണ് ചക്രവര്ത്തി, ജസ്പ്രീത് ബുംറ
◼️ ന്യൂസിലാന്ഡ് ടീം: ടിം സീഫര്ട്ട് (വിക്കറ്റ് കീപ്പര്), ഫിന് അലന്, രചിന് രവീന്ദ്ര, ഗ്ലെന് ഫിലിപ്സ്, മാര്ക് ചാപ്മാന്, ഡാരില് മിച്ചല്, ജെയിംസ് നീഷം, മിച്ചല് സാന്റ്നര് (ക്യാപ്റ്റന്), മാറ്റ് ഹെന്റി, ലോക്കി ഫെര്ഗൂസണ്, ജേക്കബ് ഡഫി
SUMMARY: T20 World Cup final; India off to a shaky start, 50 runs in four overs
WhatsApp
Telegram
